Book Name:Wasail e Bakhshish

عطارؔ ہُوں   میں   ان کا گدا اب تو توجُّہ

بس جانبِ شاہانِ جہاں   میری بلا دے

 

تُو نے مجھ کو حج پہ بُلایا یا اللّٰہ مِری جھولی بھر دے

تُو نے مجھ کو حج پہ بُلایا                                                           یااللّٰہ مِری جھولی بھر دے

گردِ کعبہ خوب پھرایا                                                           یااللّٰہ مِری جھولی بھر دے

میدانِ عَرفات دکھایا                                                        یااللّٰہ مِری جھولی بھر دے

بخش دے ہر حاجی کو خدایا                                           یااللّٰہ مِری جھولی بھر دے

بَہرِ  کوثر  و   بِیرِ زم  زم                          کردے کرم اے ربِّ اکرم

حَشْر کی پیاس سے مجھ کو بچانا                                       یااللّٰہ مِری جھولی بھر دے

مولیٰ مجھ کو نیک بنادے                              اپنی الفت دل میں   بسا دے

بَہرِ صَفا اور بَہر مَروہ                                                             یااللّٰہ مِری جھولی بھر دے

یَا اللّٰہُ    یَا رَحمٰنُ                                                                      یَا حنّانُ   یَا مَنّانُ

بخش دے بخشے ہوؤں   کا صدقہ                              یااللّٰہ مِری جھولی بھر دے

واسِطہ نبیوں   کے سَروَر کا                    واسِطہ صِدِّیق اور عُمَر کا

واسِطہ عثمان وحیدر کا                                                              یااللّٰہ مِری جھولی بھر دے

نارِ جہنَّم سے تُو بچانا                          خُلدِ بریں   میں   مجھ کو بسانا

یارب اَز پئے شاہِ مدینہ                                                    یااللّٰہ مِری جھولی بھر دے

سائل ہوں   میں   تیری وِلا([1]) کا               پھَیر دے رُخ ہر رنج و بلا کا

واسِطہ شاہِ کرب و بلا کا                                  یااللّٰہ مِری جھولی بھر دے

جس دم سُوئے طیبہ سفر ہو       آنکھیں   تَر ہوں   پھٹتا جگر ہو

اور عطا ہو سَوزِشِ سینہ                               یااللّٰہ مِری جھولی بھر دے

سامنے جب ہو گنبدِ خَضرا         قلب وجگر ہوں   پارہ پارہ

بہ نکلے اَشکوں   کا دھارا             یااللّٰہ مِری جھولی بھر دے

شاہِ مدینہ کی اُلفت دے                    سوز دے اور درد و رِقَّت دے

عشقِ نبی میں   خوب رُلانا                                                  یااللّٰہ مِری جھولی بھر دے

میں   ہوں   بندہ تُو ہے مولیٰ        توُ ہے قادِر میں   ناکارہ

میں   منگتا تُو دینے والا                                    یااللّٰہ مِری جھولی بھر دے

 



[1]     مَحَبَّت ۔



Total Pages: 406

Go To