Book Name:Wasail e Bakhshish

فضل تم پر کرے خدا  اٹّھو!

 

اخلاص کی 2 تعریفات

(1)صرف اللّٰہ عزوجل کی رضا کےلیےعمل کرنااورمخلوق کی خوشنودی یااپنی کسی نفسانی خواہش کواُس میں شامل نہ ہونےدینا(2)حضرت عبد الغنی نابلسی حنفی عَلَیْہِ رَحْمَۃُ اللہِ القَوِی لکھتے ہیں:اخلاص اس چیزکا نام ہےکہ بندہ عمل سے صرف اللّٰہ عزوجل کا قرب حاصل کرنے کا ارادہ کرے، کسی قسم کا دنیوی نفع مقصود نہ ہو۔(الحدیقۃ الندیۃ، ج۲، ص۶۴۳۲۷)

 

وَقت سَحری کا ہو گیا جاگو

وَقت سَحری کا ہو گیا جاگو                           نور ہر سَمت چھا گیا جاگو

اٹھو سَحری کی کر لو تیّاری                             روزہ رکھنا ہے آج کا جاگو

ماہِ رَمَضاں   کے فرض ہیں   روزے                         ایک بھی تم نہ چھوڑنا جاگو

اٹّھو اٹّھو وُضو بھی کر لو اور                            تم تہجُّد کرو ادا جاگو

چُسکیاں  گَرم چائے کی بھر لو                        کھا لو ہلکی سی کچھ غذا جاگو

ہوگی مقبول فضلِ مولیٰ سے                         کھا کے سَحری کرو دُعا جاگو

ماہِ رَمضاں   کی بَرکتیں   لُوٹو                           لُوٹ لو رَحمتِ خدا جاگو

کھا کے سَحری اُٹھو ادا کر لو                          سنّتِ شاہِ انبیا جاگو

تم کو مولیٰ مدینہ دِکھلائے                           اور حج بھی کرو ادا جاگو

تم کو رَمضاں   کے صدقے مولیٰ دے                         اُلفت و عشقِ مصطَفٰے جاگو

تم کو رَمضان کا مدینے میں                            دے شَرَف ربِّ مصطَفٰے جاگو

کیسی پیاری فَضا ہے رَمضاں   کی                             دیکھ لو کر کے آنکھ وا جاگو

رحمتوں   کی جَھڑی برستی ہے                          جلد اٹھ کر کے لو نَہا جاگو

تم کو دیدارِ مصطَفٰے ہو جائے

ہے یہ عطّاؔر کی دُعا جاگو

 

لوٹنے رحمتیں   قافِلے میں   چلو ([1])

لوٹنے رحمتیں   قافِلے میں   چلو                             سیکھنے سنتیں   قافِلے میں   چلو

چاہو گر بَرَکتیں   قافِلے میں   چلو                            پاؤگے عظمتیں   قافِلے میں   چلو

ہوں   گی حل مشکِلیں   قافِلے میں   چلو                      ختم ہوں   شامَتیں   قافِلے میں   چلو

طَیبہ کی جُستُجو حج کی گر آرزو                             ہے بتادوں   تمہیں   قافِلے میں   چلو

 



[1]     ایک اسلامی بھائی نے اس طرح کے کچھ اشعار لکھے تھے ،ان میں   سے بعض شامل کر کے اَلحمدُلِلّٰہ میں   نے اسی بحر پر کافی اشعار موزوں   کئے۔                      سگِ مدینہ عفی عنہ۔



Total Pages: 406

Go To