Book Name:Wasail e Bakhshish

یاخدا میری مغفرت فرما

یاخدا میری مغفرت فرما                           باغِ فِردوس مَرحَمَت فرما

دینِ اسلام پر مجھے یارب                         اِستِقامت تُو مَرحَمَت فرما

تُو گناہوں   کو کر مُعاف اللّٰہ!                      میری مقبول معذِرت فرما

مصطَفٰے کا وسیلہ توبہ پر                              تُو عنایت مُداوَمَت فرما

موت ایماں   پہ دے مدینے میں                 اور  محمود  عاقِبت فرما

تُو شرف زیرِ گنبدِ خضرا                           مجھ کو مرنے کا مَرحَمَت فرما

سرفراز اور سُرخرو مولیٰ                         مجھ کو تُو روزِ آخِرت فرما

مُشکلوں   میں   مرے خدا میری                 ہر قدم پر مُعاوَنت فرما

مجھ کو ’’قفلِ مدینہ‘‘ پر یارب                  تُو عنایت مُداوَمَت فرما

یاخدا مَدنی قافِلوں   پر بھی                         تُو عنایت مُداوَمت فرما

کاش!چھوڑوں  نہ’’مَدنی اِنعامات‘‘                     تُو عنایت مُداوَمت فرما

ہو نہ عطارؔ حشر میں   رُسوا                           بے حساب اس کی مغفِرت فرما

 

ہمارے دل سے زمانے کے غم مٹا یارب

ہمارے دل سے زمانے کے غم مٹا یارب

ہو میٹھے میٹھے مدینے کا غم عطا یارب

غمِ حیات ابھی راحتوں   میں  ڈھل جائیں

                                                           تری عطا کا اشارہ جو ہو گیا یارب

پئے حُسین و حَسَن فاطمہ علی حیدر

ہمارے بگڑے ہوئے کام دے بنا یارب

ہماری بگڑی ہوئی عادتیں   نکل جائیں

                                                           ملے گناہوں   کے اَمراض سے شِفا یارب

مجھے دے خود کو بھی اور ساری دنیا والوں   کو

سُدھارنے کی تڑپ اور حوصَلہ یارب

ہمیشہ ہاتھ بھلائی کے واسِطے اٹّھیں

                                                           بچانا ظلم و ستم سے مجھے سدا یارب

 



Total Pages: 406

Go To