Book Name:Karamaat e Farooq e Azam رضی اللہ تعالیٰ عنہ

 

صَلُّوا عَلَی الْحَبِیْب!                 صَلَّی اللہُ تَعَالٰی عَلٰی مُحَمَّد

’’کرم یا رَسولَ اللہ‘‘کے تیرہ حُرُوف کی نسبت سے پانی  پینے کے 13 مَدَنی پھول

            ٭دوفرامَین مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  : {۱}اونٹ کی طرح ایک ہی سانس میں  مت پیو، بلکہ دو یا تین مرتبہ (سانس لے کر) پیو اور پینے سے قبل بِسْمِ اﷲ پڑھو اور فراغت پر صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کہا کرو( تِرمِذی ج۳ ص۳۵۲ حدیث ۱۸۹۲){۲} نبیِّ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے برتن میں  سانس لینے یا اس میں  پھونکنے سے مَنْع فرمایاہے  ۔  (ابوداوٗد ج۳ص ۴۷۴ حدیث۳۷۲۸ )مُفَسّرِشہیر حکیمُ الْاُمَّت  حضر  ت ِ مفتی احمد یار خان عَلَیْہِ رَحْمَۃُ الْحَنَّان اِس حدیثِ پاک کے تحت فرماتے ہیں   :  برتن میں  سانس لینا جانوروں  کا کام ہے نیزسانس کبھی زہریلی ہوتی ہے اِس لیے برتن سے الگ منہ کر کے سانس لو ، (یعنی سانس لیتے وقت گلاس منہ سے ہٹا لو)گرم دودھ یا چائے کو پھونکوں  سے ٹھنڈا نہ کرو بلکہ کچھ ٹھہرو ، قدرے ٹھنڈی ہو جائے پھر پیو ۔ (مراٰۃ ج۶ ص ۷۷ )البتّہ دُرودِ پاک وغیرہ پڑھ کر بہ نیّتِ شفا پانی پر دم کرنے میں  حَرَج نہیں ٭پینے سے پہلے بِسْمِ اللہ پڑھ لیجئے ٭چوس کرچھوٹے چھوٹے گُھونٹ پئیں  ، بڑے بڑے گُھونٹ پینے سے جِگر(LEAVER) کی بیماری پیدا ہوتی ہے ٭پانی تین سانس میں  پئیں  ٭بیٹھ کر اورسیدھے ہاتھ سے پانی نوش کیجئے ٭ لَوٹے وغیرہ سے وُضو کیا ہو تو اُس کا بچا ہوا پانی پینا 70 مرض سے شِفا ہے کہ یہ آبِ زم زمشریف کی مُشابَہَت رکھتا ہے ، ان دو (یعنی وُضو کا بچا ہوا پانی اورزم زم شریف ) کے عِلاوہ کوئی سابھی پانی کھڑے کھڑے پینا مکروہ ہے  ۔ (ماخوذاز : فتاوی رضویہ ج۴ص۵۷۵ ج ۲۱ص ۶۶۹ )یہ دونوں  پا نی  قبلہ رُو ہو کر کھڑے کھڑے پئیں  ٭پینے سے پہلے دیکھ لیجئے کہ پینے کی شے میں  کوئی نقصان دہ چیز وغیرہ تو نہیں  ہے ( اِتحافُ السّادَۃ للزّبیدی ج ۵ ص ۵۹۴) ٭پی چکنے کے بعد اَلْحَمْدُ لِلّٰہکہیے ٭ حُجَّۃُ الْاِسلام حضرتِ سیِّدُنا امام محمدبن محمد بن محمد غزالی عَلَیْہِ رَحْمَۃُ اللہِ الْوَالِی  فرماتے ہیں   : بِسْمِ اللہ پڑھ کر پینا شروع کرے پہلی سانس  کے آخِر میں   اَلْحَمْدُ لِلّٰہ دوسرے کے بعد اَلْحَمْدُ لِلّٰہِ رَبِّ الْعٰلَمِیْن اور تیسرے سانس کے بعداَلْحَمْدُ لِلّٰہِ رَبِّ الْعٰلَمِیْنَ الرَّحْمٰنِ الرَّحِیْم پڑھے (اِحیاءُالْعُلُوم  ج ۲ص ۸ ) ٭ گلاس میں  بچے ہوئے مسلمان کے صاف ستھرے جھوٹے پانی کو قابلِ استعمال ہونے کے باوجود خوامخواہ پھینکنا نہ چاہئی٭ منقول ہے : سُؤْرُ الْمُؤمِنِ شِفَاءٌ  یعنی مسلمان کے جھوٹے میں  شِفا ہے (الفتاوی الفقہیۃ الکبری لابن حجر الہیتمی ج۴ص۱۱۷، کشف الخفاء ج۱ص۳۸۴) ٭ پی لینے کے چند لمحوں  کے بعد خالی گلاس کو دیکھیں  گے تو اس کی دیواروں  سے بہ کر چند قطرے پیندے میں  جمع ہوچکے ہوں  گے انہیں  بھی پی لیجئے  ۔

    ہزاروں  سنَّتیں  سیکھنے کے لئے مکتبۃُ المدینہ کی مطبوعہ دو کتب (۱) 312 صَفْحات پر مشتمل کتاب ’’بہارِ شریعت‘‘حصّہ16 اور(۲) 120صفحات کی کتاب’’ سنّتیں  اور آد ا ب ‘ ‘ہَد یَّۃً حاصل کیجئے اور پڑھئے  ۔  سنتوں  کی تربیّت کا ایک بہترین ذَرِیعہ دعوتِ اسلامی کے مَدَنی قافلوں  میں  عاشِقانِ رسول کے ساتھ سنتوں  بھرا سفر بھی ہے  ۔

لوٹنے رَحمتیں  قافِلے میں  چلو                    سیکھنے سنَّتیں  قافلے میں  چلو

ہوں  گی حل مشکلیں  قافلے میں  چلو                       ختم ہوں  شامَتیں  قافِلے میں  چلو

صَلُّوا عَلَی الْحَبِیْب!                       صَلَّی اللہُ تَعَالٰی عَلٰی مُحَمَّد

 



Total Pages: 21

Go To