Book Name:Karamaat e Farooq e Azam رضی اللہ تعالیٰ عنہ

میٹھے میٹھے اسلامی بھائیو! اِس رِوایَت سے معلوم ہوا کہ امیرُالْمُؤمِنِین حضرتِ سیِّدُنا عُمَر فاروقِ اعظَم رَضِیَ اللہُ تَعَالٰی عَنْہ کی حُکمرانی کا پرچم دریاؤں کے پانیوں پر بھی لہرا رہا تھا اور دریاؤں کی رَوانی بھی آپ رَضِیَ اللہُ تَعَالٰی عَنْہ کی نافرمانی نہیں کرتی تھی۔ نگاہِ نُبُوّت سے فیض وبرکت یافْتہ، بارگاہِ رِسالت سے تعلیم و تربِیّت یافْتہ حضرتِ سیِّدُنا عمر بن خطاب رَضِیَ اللہُ تَعَالٰی عَنْہ کے حُسنِ ایمان کی بَرَکات تھیں ،ربِ کائنات عَزَّوَجَلَّ نے اَہْلِ مِصْر کو اِس بُری رَسْم سے نَجات عطا فرمائی۔

ہم نے تقصیر کی عادت کر لی آپ اپنے پہ قِیامت کر لی

میں چلا ہی تھا مجھے روک لیا مِرے اللہ نے رَحْمت کر لی(ذوقِ نعت)

صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد

ناجائز رَسْم ورَواج اور مسلمانوں کی حالتِ زار

میٹھے میٹھے اسلامی بھائیو! جس طرح اَہلِ مِصْر میں دریائے نیل کو جاری رکھنے کے لئے رسمِ بد جاری تھی اِسی طرح دورِ حاضِر میں بھی بعض قبیح اور ناجائز رُسومات زور پکڑتی جا رہی ہیں اور یہ خلافِ شَرْع رُسومات مسلمانوں کوپَستی وبربادی کے عَمیق گڑھے کی طرف دھکیلتی اور سنّتِ رسولُ اللہ سے دُور کرتی چلی جا رہی ہیں۔دعوتِ اسلامی کے اِشاعَتی اِدارے مکتبۃُ المدینہ کی مَطْبُوعہ170 صفْحات پر مُشتَمِل ایک زبر دست کتاب ’’ اِسلامی زندَگی ‘‘ صَفْحَہ12تا16پرمُفَسّرِشہیر حکیمُ الْاُمَّت حضر ت ِ مفتی احمد یار خان عَلَیْہِ رَحْمَۃُ الْحَنّان

 



Total Pages: 48

Go To