Book Name:Akhlaq us Saliheen

اِنْ شَآءَ اللّٰہ  عَزَّ وَجَلَّ اِسی طرح تاجدارِ رسالت، شَہنْشاہِ نُبُوَّت ، سراپا رحمت، شفیعِ امّت  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ      کی شَفاعت سے آخِرت کی آفت بھی راحت میں ڈھل جائیگی ۔   ؎

ٹوٹ جائیں گے گنہگاروں کے فوراً قیدو بند

حشر کو کھل جائے گی طاقت رسول اللہ  کی

                    صَلُّو ا عَلَی الْحَبِیب !     صلَّی اللّٰہُ تعالٰی علٰی محمَّد   (فیضانِ سنت، باب فیضان رمضان، ج۱، ص۸۵۱)

        اَلْحَمْدُلِلّٰہِ    عَزَّ وَجَلَّ  !سنّتوں بھری زندگی گزارنے کیلئے عبادات و اخلاقیات کے تعلُّق سے امیراہل ِ سنت ، شیخِ طریقت، بانیِٔ دعوتِ اسلامی حضرت علامہ مولانا محمد الیاس عطارؔ قادری رضوی دَامَتْ بَرَکاتُہُمُ الْعَالِیَہنے اسلامی بھائیوں کیلئے 72، اسلامی بہنوں کیلئے 63اور طَلَبۂ علمِ دین کیلئے 92 ، دینی طالِبات کیلئے 83اور مَدَنی مُنّوں اور مُنّیوں کیلئے40 مَدَنی اِنعامات سُوالات کی صورت میں مُرتَّب کئے ہیں ۔ان مدنی انعامات کو اپنا لینے کے بعد نیک بننے کی راہ میں حائل رکاوٹیں اللہ  تَعَالٰی کے فضل وکرم سے بتدریج دور ہوجاتی ہیں اوراس کی برکت سے پابند ِ سنت بننے ، گناہوں سے نفرت کرنے اور ایمان کی حفاظت کے لئے کڑھنے کا ذہن بنتا ہے ۔ہم سب کو چاہیے کہ باکردار مسلمان بننے کے لئے مکتبۃ المدینہ کی کسی بھی شاخ سے مدنی انعامات کا کارڈ حاصل کریں اورروزانہ فکرِمدینہ (یعنی اپنا محاسبہ) کرتے ہوئے کارڈ پُر کریں اورہر مدنی یعنی قمری ماہ کے ابتدائی دس دن کے اندر اندر اپنے یہاں کے مدنی انعامات کے ذمہ دار کو جمع کروانے کا معمول بنا لیں ۔

 روزانہ فکرِ مدینہ کرنے کا انعام:

      ایک اسلامی بھائی کی تحریر کا خلاصہ ہے: اَلْحَمْدُ لِلّٰہ عَزَّ وَجَلَّ مجھے  مَدَنی اِنعامات سے پیار ہے اور روزانہ فکرِ مدینہ کرنے کا میرا معمول ہے ۔ ایک بار میں تبلیغِ قراٰن وسنّت کی عالمگیر غیر سیاسی تحریک ، دعوتِ اسلامی کے سنّتوں کی تربیّت کے مَدَنی قافِلے میں عاشقانِ رسول کے ساتھ صوبۂ بلوچستان ( پاکستان ) کے سفر پر تھا ۔ اِسی دَوران مجھ گنہگار پر بابِ کرم کُھل گیا  ۔  ہوا یوں کہ رات کو جب سویا تو قسمت انگڑائی لیکر جاگ اُٹھی ، جنابِ رسالت مَآب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ خواب میں تشریف لے آئے، ابھی جلووں میں گُم تھا کہ لب ہائے مبارَکہ کو جُنبِش ہوئی اور رَحمت کے پھول جھڑنے لگے، الفاظ کچھ یوں ترتیب پائے: جو مَدَنی قافِلے میں روزانہ فکرِ مدینہ کرتے ہیں میں انہیں اپنے ساتھ جنّت میں لے جاؤں گا ۔‘‘

شکریہ کیوں کر ادا ہو آپ کا یا مصطفیٰ

کہ پڑوسی خُلد میں اپنا بنایا شکریہ

صَلُّو ا عَلَی الْحَبِیب !            صلَّی اللّٰہُ تعالٰی علٰی محمَّد

(فیضانِ سنت، باب فیضانِ رمضان ، فیضان ِلیلۃ القدر، ج۱، ص۹۳۱)

        یاربِّ مصطَفٰے  عَزَّ وَجَلَّ  وصَلَّی اللہُ تَعَالٰی عَلَیْہِ وَاٰلِہٖ وَسَلَّمَ ! ہمیں عاشقانِ رسول کے مَدَنی قافلوں میں سفر کرنے کی توفیق عطا فرما اورروزانہ فکرِ مدینہ کرتے ہوئے مَدَنی انعامات کا کارڈپُرکرنے اور ہرمَدَنی ماہ کے ابتدائی دس دن کے اندراندر اپنے یہاں کے ذمہ دار کو جمع کروانے کی توفیق عطا فرما ۔یا اللّٰہ !  عَزَّ وَجَلَّ ہمیں دعوتِ اسلامی کے مَدَنی ماحول میں اِستِقامت عطا فرما۔یا اللّٰہ  عَزَّ وَجَلَّ  ہمیں سچّا عاشِقِ رسول بنا۔یااللّٰہ !  عَزَّ وَجَلَّ اُمَّتِ محبوب (صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ) کی بخشش فرما ۔   اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

ماخذ و مراجع

 نمبرشمار                                                            کتاب                                                              مطبوعہ

1                                                                  صحیح مسلم                                                     دار ا بن حزم بیروت

2                                                                  سنن الترمذی                                                   دارالفکر بیروت

3                                                                  سنن ابی داود                                                     داراحیاء التراث العربی بیروت

4                                                                  مشکاۃ المصابیح                                               دارالکتب العلمیۃ بیروت

5                                                                  المستد رک للحاکم                                             دارالمعرفۃ بیروت

6                                                                  کتاب الزھد للامام احمد بن حنبل                           دارالغدّ الجدید مصر

7                                                                  الد رالمختا ر                                                    دارالمعرفۃ بیروت

8                                                                  تفسیر ابن کثیر                                                  دارالکتب العلمیۃ بیروت

9                                                                  تفسیرکبیر                                                        داراحیاء التراث العربی بیروت

10                                                                تذکرۃ الاولیاء                                                  ا   نتشارات گنجینہ تہران

11                                                                احیاء علوم الدین                                               دارالکتب العلمیۃ بیروت

12                                                                تنبیہ المغترین                                                  دارالبشائر

13                                                                نزہۃ الناظرین للشیخ تقی الدین                              کوئٹہ

14                                                                وفیات الاعیان                                                  دارالکتب العلمیۃ بیروت

15                                                                الرسالۃ القشیریۃ                                                دارالکتب العلمیۃ بیروت

16                                                                کیمیائے سعادت                                                انتشارات گنجینہ تہران

17                                                                شعب الایمان                                                    دارالکتب العلمیۃ بیروت


 

 



Total Pages: 24

Go To