Book Name:Islami Bheno Kay 8 Madani Kam

پیاری پیاری اِسْلَامی بہنو!تَبْلِیغِ قرآن سُنّت کی عالمگیر غیر سیاسی تحریک دَعْوَتِ اِسْلَامی شَیْخِ طَرِیْقَت ،  اَمِیْـرِ اَھْلِسُنّت دَامَتْ بَرَکاتُہُمُ الْعَالِیَہ کی مَدَنی سوچ ، اُمَّت کے دَرْد میں سُلگتے دل اور نیکی کی دَعْوَت میں حریص طبیعت کا نتیجہ ہے ۔ آپ کی تڑپ ہے کہ ہر مسلمان حقیقی طور پر غُلامیِ مصطفے ٰ کا پَٹّہ اپنے گلے میں ڈال لے اور سُنّتوں کی چلتی پھرتی ایسی تصویر نَظَر آئے کہ اسے دیکھ کر مدینے کا وہ مَنْظَر یاد آ جا ئے ، جو مدینے کے پہلے مُبَلِّغ یعنی حضرت سَیِّدُنا مُصْعَب بِنْ عُمَیْررَضِیَ اللّٰہُ تَعَالٰی عَنْہ کی نیکی کی دَعْوَت سے مُتَاَثِّر ہو کر مدینے میں سرکارِ والا تَبار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی آمد کے مَوْقَع پر نَظَر آیا تھا ۔ یعنی جس طرح آمدِ سرکار پر ہر طرف خوشیوں کا ساماں تھا ، عِمامے جھنڈے بنا کر لہرائے جا رہے تھے ،  ہر طرف زبانوں پر مَحبَّت و عقیدت کے ترانے تھے ،  اسی طرح گھر گھر میں عِشْقِ مصطفے ٰ کی ایسی شَمْع روشن ہو جائے کہ جس کی روشنی میں راہِ آخِرَت کا ہر مُسَافِر اپنی مَنْزِل پر رَواں دَواں رہے اور کبھی راستے سے بھٹکے نہ کبھی راستے کی مُشکِلات و مَصَائِب سے تھک ہار کر بیٹھے ۔  عاشقانِ رسول کی مَدَنی تحریک دَعْوَتِ اِسْلَامی کا جب آغاز ہوا تو اَوّلاً نہ کوئی شُعْبہ تھا نہ کوئی دَرْسی کِتاب ، کوئی مُبَلِّغ تھا نہ کوئی مُعَلِّم ، مَدَنی مَراکِز تھے نہ مَدَارِسُ المدینہ و جامِعات المدینہ ،  بلکہ کوئی کام کرنے کا واضِح طریقہ کار تک مَوجُود نہ تھا اور اگر یوں کہا جائے کہ دَعْوَت ِاِسْلَامی حقیت میں شَیْخِ طَرِیْقَت ، اَمِیْـرِ اَھْلِسُنّت دَامَتْ بَرَکاتُہُمُ الْعَالِیَہ کی ذاتِ واحِد کا نام تھا تو بے جا نہ ہو گا ۔

پیاری پیاری اِسْلَامی بہنو!یہاَمِیْـرِاَھْلِسُنّتدَامَتْ بَرَکاتُہُمُ الْعَالِیَہ کی پُر خلوص دُعاؤں ،  انتھک کوششوں ، بہترین حِکْمَتِ عَمَلی اور مَضْبُوط دستورالعَمَل کا نتیجہ ہے کہ اَلْحَمْدُ لِلّٰہ عَزَّ وَجَلَّ یہ مَدَنی تحریک ، مُـخْتَصَر سے عرصے میں ایک مُنَظَّم تنظیم کی شَکْل اِخْتِیار کر چکی ہے ، جس کی ذیلی مشاورتوں تا عالمی مجلس مُشَاوَرَت اور مرکزی مَـجْلِس شوریٰ ہزاروں ذِمَّہ داران اور دُنیا بھر میں لاکھوں لاکھ مُنْسَلِک اِسْلَامی بھائیوں کا ٹھاٹھیں ما رتا سمندر نَظَر آتا ہے ، لاکھوں لاکھ اِسْلَامی بہنیں بھی پردے میں رہ کر مَدَنی کاموں میں مَصْرُوفِ عَمَل ہیں ۔

تنہا چلا تُو ساتھ تیرے ہو گیا جہاں     میٹھا تیرا کلام ہے اِلیاس قادِری

صَلُّوا عَلَی الْحَبیب!                       صَلَّی اللّٰہُتَعَالٰی عَلٰی مُحَمَّد

سب سے پہلا مدنی کام

سب سے پہلا مَدَنی کام ، جس سے شَیْخِ طَرِیْقَت ،  اَمِیْـرِ اَھْلِسُنّت دَامَتْ بَرَکاتُہُمُ الْعَالِیَہ نے دَعْوَتِ اِسْلَامی کے مَدَنی کام کا سلسلہ شروع فرمایا ،  وہ ہفتہ وار سُنّتوں بھرا اِجْتِمَاع ہے ، یہاں سے آپ نے اِجتماعی اور اِنفرادی کوشِش کے ذَرِیعے نیکی کی دَعْوَت کا سلسلہ بڑھایا ، پھر مَسَاجِد اَہلسنّت میں دَرْس کا سلسلہ شروع ہوا تو اَوّلاً حُجَّةُ الْاِسْلَام اِمام محمد غزالی رَحْمَۃُ اللّٰہ ِتَعَالٰی عَلَیْہ کی مَشْہُور تصنیف مُکَاشَفَةُ الْقُلُوب سے دَرْس دیا جاتا رہا ۔ پھر شَیْخِ طَرِیْقَت ،  اَمِیْـرِ اَھْلِسُنّت دَامَتْ بَرَکاتُہُمُ الْعَالِیَہ نے گوشۂ تنہائی اپنائی اور پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکی پیاری اُمَّت کو بے شُمار سُنّتوں کا مجموعہ فیضانِ سُنّت کی صُورَت میں عَطا فرمایا ۔  پھر دَعْوَتِ اِسْلَامی کا مَدَنی کام بڑھنے کی بَرَکَت سے مُـخْتَلِف شہروں سے اُٹھنے والی عاشقانِ رسول کی مَدَنی تحریک دیکھتے ہی دیکھتے بابُ الاسلام(سندھ) ،  پنجاب ، خیبرپختونخواہ (KPK) ،  کشمیر ، بلوچستان ، گلگت بلتستان اور پھر ہند ، بنگلہ دیش ، عَرَب امارات ، سری لنکا ، برطانیہ ،  آسٹریلیا ،  کوریا جیسے ممالک میں مَدَنی  کاموں کی مَدَنی بہاریں لُٹارہی ہے بلکہ اَلْحَمْدُ لِلّٰہ!اس وَقْت دَعوَتِ اِسلامی کا مَدَنی پیغام دُنیا بھر میں پہنچ چکا ہے ۔

اللہ  کرم ایسا  کرے تجھ پر جہاں میں  اے دعوتِ اسلامی تِری دھوم مچی ہو[1]

صَلُّوا عَلَی الْحَبیب!                       صَلَّی اللّٰہُتَعَالٰی عَلٰی مُحَمَّد

دَعْوَتِ اِسْلَامی کی تنظیمی ترکیب

دَعْوَتِ اِسْلَامی کی تنظیمی ترکیب ، ذیلی حلقے سے شروع ہوکر مرکزی مَـجْلِسِ شوریٰ تک ہے ۔  شَیْخِ طَرِیْقَت ، اَمِیْرِ اَھْلِسُنَّت  دَامَتْ بَرَکاتُہُمُ الْعَالِیَہ اس 



[1]     وسائلِ بخشش (مرمّم) ،  ص ۳۱۵



Total Pages: 19

Go To