صَلُّوا عَلَی الْحَبیب!                       صَلَّی اللّٰہُتَعَالٰی عَلٰی مُحَمَّد

مدنی بہار

باب المدینہ(کراچی )کی ایک اسلامی بہن کے حلفیہ بیان کا خلاصہ ہے کہ اَلْحَمْدُ لِلّٰہ! ہمارا گھرانہ آقائے نعمت  ، مجدّدِ دین و ملّت مولانا شاہ احمد رضا خان عَلَیْہ رَحْمۃُالْرَحْمٰن کے ایک عظیم المرتبت خلیفہ رَحْمَۃُ اللّٰہ ِتَعَالٰی عَلَیْہ کی اولاد سے ہے ۔ سیّدی اعلیٰ حضرت عَلَیْہ رَحْمۃُالْرَحْمٰن کے وہ خلیفہ مکّرم میری والدہ محترمہ کے نا نا جان تھے اور ہمارے تمام اَہْلِ خانہ اُنہی کے دَسْتِ مُبارَک پر بَـیْعَت تھے ۔ ان سے بَـیْعَت کی بَرَکت سے اَلْحَمْدُ لِلّٰہ! سیّدی اعلیٰ حضرت عَلَیْہ رَحْمۃُالْرَحْمٰن  کی مَحبَّت و عقیدت رگ و پے میں سَرایَت کئے ہوئے تھی ، لیکن عملی زندگی میں ہماری مِثال کورے کاغذ کی سی تھی ، بِالْخُصُوص نمازوں کی پابندی سے محرومی تھی نیز فیشن پرستی اور گانے باجے سُننے کی نُحُوسَت چھائی تھی ، غصہ اور چڑچڑاپن ہماری عادتِ ثانیہ تھی ۔  میرے پھوپھی زاد بھائی نے (جو کہ دَعْوتِ اسلامی کے مَدَنی  مَاحَول سے وابستہ تھے ) انفرادی کوشش کرتے ہوئے میرے بھائی کو بھی دَعْوتِ اسلامی کے ہفتہ وار سُنّتوں بھرے اجتماع میں شِرْکَت کی نہ صرف  دَعْوت دی بلکہ اپنے ساتھ لے جانا شروع کردیا ۔ بھائی جان اجتماع سے واپسی پر اجتماع کی رُوداد سُناتے جس میں سیّدی اعلیٰ حضرت عَلَیْہ رَحْمۃُالْرَحْمٰن کا ذکر ِ خیر سُننے کوملتا جس کی وجہ سے مجھے دَعْوتِ اسلامی کے مَدَنی مَاحَول  سے اپنائیت سی مَحْسُوس ہونے لگی ۔

ماخذ و مراجع

٭٭٭٭٭٭