Book Name:Zoq-e-Naat

 

تاریخ وِصال حضرت سیدنا و مولیٰنا شاہ آلِ رسول

رَضِیَ اللّٰہُ تَعَالٰی عَنْہُ وَ نَوَّرَ اللّٰہُ مَرْقَدَہ

جُبِّ آلِ رسول بحرِ عرفاں

رونق دہ خاندانِ برکات

 

وہ واقف رَمز لا و اِلَّا

وہ کاشف سِرِّ نفی و اِثبات

 

عازِم ہوئے سوئے دارِ عقبیٰ

اس غم کی گھٹا سے دِن ہوا رات

 

رِضواں نے کہی حسنؔ سے تاریخ

اب خُلد میں دیکھیے کرامات

۶۳۴               ۶۶۲

دیگر

اچھے کے پیارے میرے سہارے

باہر ہیں بیاں سے اُن کے مناقب

 

وہ اور شریعت وہ اور طریقت

دو دِل یک اَرماں یک جاں دو قالب

 

عبد و خدا میں مانندِ برزَخ

مقصود وقاصد مطلوب و طالب

 

دَریائے رحمت گلزارِ رافت

جانِ مراحم کانِ مواہب

 

نجم منازِل شمع محافل

مہر مشارِق ماہِ مغارِب

 

خلق خدا کے کیوں نہ ہوں رہبر

ہیں مصطفیٰ کے فرزند و نائب

 

ہے اُ ن کے دم سے عزت کی عزت

تاجِ مراتب راسِ مناصب

 

جب اُس قمر نے لی راہِ جنت

تھی اَشک اَفشاں چشم کواکب

 



Total Pages: 158

Go To