Book Name:Jannati Zevar

      اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط  بِسْمِ اللہ  الرَّحْمٰنِ الرَّ حِیْم ط

’’جنّتی زیور‘‘ پوری پڑھیں  کے 17 حروف کی نسبت سے اس کتاب کو پڑھنے کی 17 نیّتیں

از :   شیخ طریقت امیر اہلسنت حضرت علامہ مولانا ابو بلال محمد الیاس عطارؔ قادری رضوی دَامَتْ بَرَکاتُہُمُ الْعَالِیَہ 

فرمانِ مصطَفیٰ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ :   ((نِیَّۃُ الْمُؤمِنِ خَیْرٌ مِّنْ عَمَلِہ))۔

ترجمہ :   ’’ مسلمان کی نیّت اس کے عمل سے بہترہے‘‘۔

  (المعجم الکبیر للطبراني، الحدیث : ۵۹۴۲، ج۶، ص۱۸۵، داراحیاء التراث العربی بیروت ملتقطاً)

دو مدنی پھول :       (۱)  بغیر اچھی نیّت کے کسی بھی عملِ خیر کا ثواب نہیں ملتا۔  

                            (۲)  جتنی اچھی نیتیں زیادہ، اُتنا ثواب بھی زیادہ۔

 1…  اِخلاص کے ساتھ مسائل سیکھ کر رِضائے الٰہی عَزَّ وَجَلَّ  کا حقدار بنوں گا۔

 2…  حتَّی الوسع اِس کا با وُضُو اور

 3…  قبلہ رو مطالَعہ کروں گا۔

 4…  اِس کے مطالعے کے ذریعے فرض علوم سیکھوں گا ۔

 5…  اپنا  وُضُو، غسل وغیرہ دُرُست کروں گا۔

 6…  جو مسئلہ سمجھ میں نہیں آئے گا اس کے لیے آیتِ کریمہ

 فَسْــٴَـلُوْۤا اَهْلَ الذِّكْرِ اِنْ كُنْتُمْ لَا تَعْلَمُوْنَۙ(۴۳)   

ترجمۂ کنزالایمان :  ’’تو اے لوگو علم والوں سے پوچھو اگر تمہیں علم نہیں ‘‘  (پ۱۴، النحل : ۴۳) پر عمل کرتے ہوئے علماء سے رجوع کروں گا۔

 7… ’’عِنْدَ ذِکْرِالصَّالِحِیْنَ تَنَزَّلُ الرَّحْمَۃُ یعنی نیک لوگوں کے ذِکر کے وقت رحمت نازل ہوتی ہے۔‘‘ (حلیۃ الاولیاء ، رقم ۱۰۷۵۰، ج۷، ص۳۳۵، دارالکتب العلمیۃبیروت) اس کتاب میں دئیے گئے بزرگوں کے واقعات دوسروں کو سنا کر ذکرِ صالحین کی برکتیں لُوٹوں گا ۔

 8…  (اپنے ذاتی نسخے پر) عند الضرورت خاص خاص مقامات پر انڈر لائن کروں گا۔

 9…  (اپنیذاتی نسخے کے ) یاد داشت والے صفحہ پر ضروری نکات لکھوں گا۔

 10…  جس مسئلے میں دشواری ہو گی اُس کو بار بار پڑھوں گا۔

 11…  زندگی بھر عمل کرتا رہوں گا۔

 12  جو نہیں جانتے انھیں سکھاؤں گا ۔

13…  یہ کتاب پڑھ کر عُلمائے حقّہ سے نہیں اُلجھوں گا۔

 14…  دوسروں کو یہ کتاب پڑھنے کی ترغیب دلاؤں گا۔

15…  (کم از کم ۱۲عددیا  حسبِ توفیق) یہ کتاب خرید کر دوسرں کو تحفۃً دوں گا۔

 16…  اس کتاب کے مُطالَعہ کا ثواب ساری امّت کو اِیصال کروں گا۔

 17    کتابت وغیرہ میں شرعی غلطی ملی تو ناشِرین کو مُطَّلع کروں گا۔

٭…٭…٭     

                                     اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط  بِسْمِ اللہ  الرَّحْمٰنِ الرَّ حِیْم ط

المد ینۃ العلمیۃ

              از : بانیِ دعوتِ اسلامی ، عاشق اعلیٰ حضرت شیخِ طریقت، شامیرِ اہلسنّت حضرت علّامہ مولانا ابوبلال محمد الیاس عطاؔر قادری رضوی ضیائی دَامَتْ بَرَکاتُہُمُ الْعَالِیَہ                                                                                                                                                                                                

        اَلْحَمْدُلِلّٰہِ  عَلٰی اِحْسَا نِہٖ وَ بِفَضْلِ رَسُوْلِہٖ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ تبلیغِ قرآن و سنّت کی عالمگیر غیر سیاسی تحریک ’’دعوتِ اسلامی‘‘ نیکی کی دعوت، اِحیائے سنّت اور اشاعتِ علمِ شریعت کو دنیا بھر میں عام کرنے کا عزمِ مُصمّم رکھتی ہے، اِن تمام اُمور کو بحسنِ خوبی سر انجام دینے کے لئے متعدَّد مجالس کا قیام عمل میں لایا گیا ہے جن میں سے ایک مجلس    ’’المد ینۃ العلمیۃ‘‘ بھی ہے جو  دعوتِ اسلامی کے علماء و مُفتیانِ کرام کَثَّرَ ھُمُ اللّٰہُ تعالٰی پر مشتمل ہے ، جس نے خالص علمی، تحقیقی اور اشاعتی کام کا بیڑا اٹھایا ہے۔ اس کے مندرجہ ذیل چھ شعبے ہیں :

 



Total Pages: 188

Go To