Book Name:Jannati Zevar

پھر ان کے نشۂ ایماں کا پوچھنا کیا ہے

جو پی چکے ہیں ازل میں مئے سبوئے رسول

بلائیں لوں تری اے جذب شوق صلّ علی

کہ آج دامن دل کھنچ رہا ہے سوئے رسول

شگفتہ گلشن زہرا کا ہر گل تر ہے

کسی میں رنگ علی ہے کسی میں بوئے رسول   

عجب تماشا ہو میدان حشر میں بیدم ؔ                                           

کہ سب ہوں پیش خدااور میں روبروئے رسول                                        

از جناب حیات ؔوارثی صاحب 

ؓحب احمد ازل ہی سے سینے میں ہے    میں یہاں ہوں مرادل مدینے میں ہے

عطر جنت میں بھی ایسی خو شبو نہیں     جیسی خوشبو نبی کے پسینے میں ہے

اس لیے ہے اسی سمت کعبہ جھکا      گھر خدا کا محمد کے سینے میں ہے

پھول تو پھول کانٹوں میں بھی حسن ہے   لطف جنت سے بڑھ کر مدینے میں ہے

کیا مقدر ہے بوبکر و فاروق کا         جن کا گھر رحمتوں کے خزینے میں ہے

بے سہارا نہ سمجھے زمانہ مجھے        میرے آقا کا مسکن مدینے میں ہے

موت لائی حیات اب نئی زندگی

یہ مزہ میرے مرمر کے جینے میں ہے

ترانۂ نماز

دیدار حق دکھائے گی اے بیبیو نماز      جنت تمہیں دلائے گی اے بیبیو نماز

دربار مصطفی میں تمہیں لیکے جائے گی      خالق سے بخشوائے گی اے بیبیو نماز

عزت کے ساتھ نوری لباس اچھے زیورات   سب کچھ تمہیں پہنائے گی اے بیبیو نماز

جنت میں نرم نرم بچھونوں کے تخت پر      آرام سے سلائے گی اے بیبیو نماز

خدمت تمہاری حوریں کریں گی ادب کیساتھ    رتبہ بہت بڑھائے گی اے بیبیو نماز

کوثر کے سلسبیل کے شربت پلائے گی     میوے تمہیں کھلائے گی اے بیبیو نماز

      سب عطر وپھول ہوں گے نچھاور پسینے پر        خوشبو میں جب بسائے گی اے بیبیو نماز   

رحمت کے شامیانوں میں خوشبوکیساتھ ساتھ    ٹھنڈی ہوا چلائے گی اے بیبیو نماز

      باغ بہشت روضۂ رضواں بہار خلد          سب کچھ تمہیں دکھائے گی اے بیبیو نماز

حوریں ترانے گائیں گی اور جھوم جھوم کر    نغمے تمہیں سنائے گی اے بیبیو نماز

     پڑھتی رہو نماز کہ دونوں جہان میں         سب کچھ تمہیں دلائے گی اے بیبیو نماز

   فاقہ سے مفلسی سے جہنم کی آگ سے       سب سے تمہیں بچائے گی اے بیبیو نماز

پڑھ کر نماز ساتھ لو سامان آخرت         محشر میں کام آئے گی اے بیبیو نماز

بات اعظمی کی مانو نہ چھوڑو کبھی نماز

اللہ  سے ملائے گی اے بیبیو نماز

شجرۂ نقشبندیہ مجددیہ

یاالہٰی رحم فرما مصطفی کے واسطے

حضرت بو بکر باصدق و صفا کے واسطے

بہر سلماں قاسم و جعفر بحق بایزید

ابوالحسن اور بوعلی باخدا کے واسطے

خواجہ یوسف عبدخالق عارف و محمودحق

 



Total Pages: 188

Go To