Book Name:Jannati Zevar

خواص بِسْمِ اللہ  الرَّحْمٰنِ الرَّ حِیْم ط

        ’’بسم اﷲ شریف‘‘ کے خواص اور اس آیت مبارکہ کی خاصیتیں بہت ہیں ان میں سے چند فوائد یہاں لکھے جاتے ہیں جو بزرگوں کے مجرب اور آزمودہ ہیں ۔  

ہر طرح کی حاجت روائی : ۔ اگر کوئی سخت مشکل یا حاجت پیش آجائے تو بدھ جمعرات اور جمعہ کو مسلسل تین دن روزے رکھے اور جمعہ کا غسل کر کے نماز جمعہ کے لئے جائے اور کچھ خیرات بھی کرے پھر نماز جمعہ کے بعد یہ دعا پڑھ کر اپنے مقصد کے لئے دل لگا کر اور گڑ گڑا کر خداسے دعا مانگے اِنْ شَآءَ اﷲ   تَعَالٰی ضرور اس کی دعا قبول ہوگی۔

        اَللّٰھُمَّ اِنِّیْ اَسْئَلُکَ بِاسْمِکَ بِسْمِ اللہ  الرَّحْمٰنِ الرَّ حِیْم ط  اَلَّذِیْ لَآ اِلٰہَ اِلَّا  ھُوَ ط عَالِمُ الْغَیْبِ وَالشَّھَادَۃِ ھُوَ الرَّحْمٰنُ الرَّحِیْمُ  وَاَسْئَلُکَ بِاِسْمِکَ بِسْمِ اﷲ  الرَّحْمٰنِ الرَّحِیْمِ ط اَلَّذِیْ لَآ اِلٰہَ اِلَّا ھُوَ ط اَلْحَیُّ الْقَیُّومُ ط لَا تَاْخُذُہٗ سِنَۃُٗ وَّلَا نَوْمُٗ ط اَلَّذِیْ مَلَئَتْ عَظَمَتُہٗ السَّمٰوٰتِ وَالْاَرْضِط وَاَسْئَلُکَ بِاِسْمِکَ بِسْمِ اﷲ  الرَّحْمٰنِ الرَّحِیْمِ ط اَلَّذِیْ لَآ اِلٰہَ اِلَّا ھُوَ وَعَنَتْ لَہُ الْوُجُوْہُ وَخَشَعَتْ لَہُ الْاَصْوَاتُ وَ وَجِلَتِ الْقُلُوْبِ مِنْ خَشْیَتِہٖ اَنْ تُصَلِّیَ عَلٰی مُحَمَّدٍ وَّ عَلٰی اٰلِ مُحَمَّدٍ صَلَّی اﷲ  عَلَیْہِ وَسَلَّمَ وَاَنْ تُعْطِیَنِیْ مَسْئَلَتِیْ وَتَفْضِیَ حَاجَتِیْ بِرَحْمَتِکَ یَا اَرْحَمَ الرَّاحِمِیْنَ   (فیوض قرآنی بحوالہ الترغیب وَالْتَرْھِیْب و مفتاح الحسن وغیرہ)

        لفظ حاجتی کے بعد اپنی ضرورت کا نام ذکر کرو۔

        جس صحابی سے یہ دعا منقول ہے ان کا ارشاد ہے کہ یہ دعا نادانوں کو ہر گز مت سکھاؤ کیونکہ وہ ناجائز کاموں کے لئے پڑھیں گے اور گناہوں میں مبتلا ہوں گے بزرگوں کے فرمان کے مطابق میں بھی سخت تاکید کرتا ہوں کہ ناجائز کاموں کے لئے کبھی ہر گز اس دعاکو نہ پڑھنا ورنہ سخت نقصان اٹھاؤ گے۔

       دشمنی دور ہو جائے اور محبت پیدا ہو جائے : ۔                                          

     اگر پانی پر ۷۸۶ مرتبہ بسم اﷲ  الرحمن الرحیم پڑھ کر مخالف کو پلا دو تو اِنْ شَآءَ اﷲ   تَعَالٰی وہ مخالفت چھوڑ دے گا اور محبت کرنے لگے گا اور اگر موافق کو پلا دو تو محبت بڑھ جائے گی۔ (فیوض قرآنی)   

ہر درد و مرض دور ہو جائے : ۔جس درد یا مرض پر تین روز تک سو مرتبہ بِسْمِ اللہ  الرَّحْمٰنِ الرَّ حِیْم ط حضور دل سے پڑھ کر دم کیا جائے اِنْ شَآءَ اﷲ   تَعَالٰی اس سے آرام ہو جائے گا۔    (فیوض قرآنی)

چور اوراچانک موت سے حفاظت : ۔اگر رات کو سوتے وقت ۲۱ مرتبہ بِسْمِ اللہ  الرَّحْمٰنِ الرَّ حِیْم ط پڑھ لو تو اِنْ شَآءَ اﷲ   تَعَالٰی مال واسباب چوری سے محفوظ رہیں گے اور مرگ ناگہانی سے بھی حفاظت ہوگی۔ (فیوض قرآنی)

حاجتوں کے لئے بسم اﷲ  اور نماز : ۔ بِسْمِ اللہ  الرَّحْمٰنِ الرَّ حِیْم ط اس طرح پڑھو کہ جب ایک ہزار مرتبہ ہوجائے تو دو رکعت نماز پڑھ کر درود شریف پڑھو اور اپنی مراد کے لئے دعا مانگو پھر ایک ہزار مرتبہ بسم اﷲ  پڑھ کر دو رکعت نماز پڑھو اور درود شریف پڑھ کر اپنی مراد کے لئے دعا مانگو غرض اسی طرح بارہ ہزار مرتبہ بسم اﷲ  پڑھو اور ہر ہزار پر دو رکعت نماز پڑھو اور نماز کے بعد درود شریف پڑھ کر اپنی مراد کے لئے دعا مانگو اِنْ شَآءَ اﷲ   تَعَالٰی مراد حاصل ہوگی۔ (مرقع کلیمی و مجربات دیربی)

اولاد زندہ رہے گی : ۔جس عورت کا بچہ زندہ نہ رہتا ہووہ ایک کاغذ پر ایک سو ساٹھ بار بسم اﷲ  الرحمن الرحیم لکھوا کر اس کا تعویذ بناکر ہروقت پہنے رہے تو اِنْ شَآءَ اﷲ   تَعَالٰی اس کی اولاد زندہ رہے گی ۔      (فیوض قرآنی)

زہر کا اثر نہ ہو : ۔ بِسْمِ اﷲ  الَّذِیْ لَا یَضُرُّ مَعَ اسْمِہٖ شَیْئُٗ فِی الْاَرْضِ وَلَا فِی السَّمَآئِ وَھُوَ السَّمِیْعُ الْعَلِیْمُ یہ دعا پڑھ کر ہمیشہ کھانا کھائیں اور پانی وغیرہ پئیں تو اِنْ شَآءَ اﷲ  تَعَالٰی زہر کا اثر دور ہو جائے گا اور زہر کوئی نقصان نہیں دے گا لیکن پختہ عقیدہ اور شرائط کا پایا جانا ضروری ہے ۔ (فیوض قرآنی)   

بخار سے شفاء : ۔جس کو بخار ہو سات بار یہ دعا پڑھے بِسْمِ اﷲ  الْکَبِیْرِ اَعُوْذُ بِاﷲ  الْعَظِیْمِ مِنْ شَرِّ کُلِّ عِرْقٍ نَعَّارٍ وَّ مِنْ شَرِّ حَرِّ النَّارِاگر مریض خود نہ پڑھ سکے تو کوئی دوسرا نمازی آدمی سات بار پڑھ کر دم کر دے یا پانی پر دم کر کے پلا دے اِنْ شَآءَ اﷲ   تَعَالٰی بخار اتر جائے گا ایک مرتبہ میں بخار نہ اترے تو بار بار یہ عمل کریں ۔

 (المستدرک، کتاب الرقی والتمائم، باب رقیۃ وجع الضرس والاذن، رقم۸۳۲۴، ج۵، ص۵۹۲)

تپ لرزہ سے شفاء : ۔جس کو جاڑا بخار آتا ہو اس نقش کو لکھ کر مریض کے گلے میں ڈال دیں ۔

بسم                                 اللّٰہ                                   الرحمٰن                              الرحیم

اللّٰہ                                   الرحمٰن                              الرحیم                               بسم

الرحمٰن                             الرحیم                               بسم                                 اللّٰہ

الرحیم                               بسم                                 اللّٰہ                                  الرحمٰن

بازار میں نقصان نہ ہو بلکہ فَائدہ ہو : ۔بازار جاؤ تو یہ دعا پڑھو۔

بِسْمِ اﷲ  اَللّٰھُمَّ اِنِّیْ اَسْئَلُکَ خَیْرَ ھٰذِہِ الْاَسْوَاقِ وَخَیْرَ مَا فِیْھَا وَاَعُوْذُبِکَ مِنْ شَرِّ ھَا وَشَرِّ مَا فِیْھَا اَللّٰھُمَّ اِنِّیْ اَعُوْذُبِکَ اَنْ اَصِیْبَ یَمِیْناً فَاجِرَۃً اَوْ صَفَقَۃً خَاسِرَۃً ط اس دعا کی برکت سے اِنْ شَآءَ اﷲ   تَعَالٰی بازار میں خوب نفع ہو گا اور کوئی گھاٹا نہیں ہوگا اس دعا کو حضور اکرم صَلَّی اللہ  تَعَالٰی عَلَیْہِ وَاٰلِہٖ وَسَلَّمَنے پڑھا ہے  ۔     (المستدرک، کتاب الدعاء والتکبیر۔۔۔الخ، رقم۲۰۲۱