Book Name:Mufti e Dawateislami

مَدَ نی مشورے کا انداز :

مدنی مشورے میں وقت کی پابندی سے شریک ہونا ،وقت پر شروع کرنا اور وقت پرختم کردینا ، مفتیٔ محمد فاروق رحمۃ اللہ تعالیٰ علیہ کی خاصیّت تھی ۔ مشورے کے دوران مفتی فاروق رحمۃ اللہ تعالیٰ علیہ بہت ہی سادہ انداز میں مدنی مشورہ لیتے ۔ ہراسلامی بھائی کی رائے سنتے اورجب اپنی رائے کو کسی کے مشورے کی تائید میں پیش کرتے تواس سے اس شخص کادل بھی خوش ہوجاتا اور نکتہ بھی طے پاجاتا۔{اللہ عَزَّوَجَلَّ کی اِن پر رحمت ہو۔۔ا ور۔۔ اِن کے صدقے ہماری مغفرت ہو۔آمین بجاہ النبی الامین صَلَّی اللّٰہ تعالٰی علیہ واٰلہ وسلَّم }

صدائے مد ینہ :

مفتی ٔ دعوت ِ اسلامی حافظ محمدفاروق رحمۃ اللہ تعالیٰ علیہ کا معمول تھا کہ اکثرمسلمانوں کو نماز کے لئے جگانے کے لئے صدائے مدینہ لگایا کرتے تھے۔اگر کبھی کسی ’’جامعۃ المدینہ‘‘ میں رکنے کا اتفاق ہوتا تو طلبہ کو خود صدائے مدینہ لگا کر نماز کے لئے اٹھایا کرتے۔{اللہ عَزَّوَجَلَّ کی اِن پر رحمت ہو۔۔ا ور۔۔ اِن کے صدقے ہماری مغفرت ہو۔آمین بجاہ النبی الامین صَلَّی اللّٰہ تعالٰی علیہ واٰلہ وسلَّم }

علاقائی دورہ برائے نیکی کی دعوت میں شرکت :

مجلس مدنی قافلہ باب المدینہ( کراچی )کے رُکن اسلامی بھائی کا بیان ہے کہ ’’ہم چند اسلامی بھائی جامع مسجد سیدمعصوم شاہ بخاری کھارادر باب المدینہ کراچی کے اطراف میں نیکی کی دعوت دینے کے لئے گئے تو اسی مسجد سے ملحق دارالافتاء نورُالعرفان میں مفتی ٔ دعوت ِ اسلامی رحمۃ اللہ تعالیٰ علیہ سے ملاقات کا شرف حاصل ہوا ۔ ہم


 

 



Total Pages: 89

Go To