Book Name:Dilchasp Malomaat Sawalan Jawaaban Part 02

جواب     شکر سے نعمتیں ملتی ہیں اور صبر سے اللہتعالیٰ (  کا قرب ملتا ہے ) ۔   (  [1])

عاجزی و اِنکساری

سوال      تواضع کی تعریف بتائیے ؟

جواب     اپنے آپ کو حقیر اور کمتر سمجھنے کو تواضع کہتے ہے ۔  (  [2])

سوال      عاجزی کرنے والے دولت مند کیلئے حدیث  پا ک میں کیا فرمایا گیاہے ؟

جواب     حضور نبی رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : خوشخبری ہے اُس شخص کے لئے جو تنگدستی نہ ہوتے ہوئے تواضع اختیار کرے ، اپنا مال جائز کاموں میں خرچ کرے ، محتاج و مسکین پر رحم کرے اور اہلِ علم و فقہ سے میل جول رکھے ۔  (  [3])

سوال      جب بندہ تواضع  (  یعنی عاجزی وانکساری) کرتا ہے توفرشتہ کو کیا حکم دیا جاتا ہے ؟

جواب     تاجدارِ رسالت ، شہنشاہِ نُبوّت صَلَّی اللہُ تَعَالٰی عَلَیْہِ وَاٰلِہٖ وَسَلَّمکا فرمانِ عالیشان ہے  : ہر شخص کے سر میں ایک لگام ہوتی ہے جسے ایک فرشتہ تھامے ہوتا ہے اگر وہ تواضع سے کام لے تو فرشتے سے کہا جاتا ہے  : اس کا مرتبہ بلند کر دو ۔  (  [4])

سوال      اللہ عَزَّ  وَجَلَّ کے لیے عاجزی  کرنے کی کیا فضیلت ہے ؟

جواب     جوشخص اللہ عَزَّ  وَجَلَّ کے لیے عاجزی کرتاہے اللہاسے بلندی عطافرماتا ہے ۔  (  [5])

سوال      عاجزی وانکساری کرنے والے کو کون سا درجہ عطا ہوتا ہے ؟

جواب     رسولِ اکرم ، شہنشاہ ِبنی آدم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا :  جو اللہ عَزَّوَجَلَّ کے لئے ایک درجہ تواضع اختیار کرتا ہے اللہ  عَزَّ  وَجَلَّ اسے ایک درجہ بلندی عطا فرماتا ہے یہاں تک کہ اسے عِلِّیِّیْن (  بلند ترین درجوں) میں پہنچا دیتا ہے ۔  (  [6])

سوال      قدرت کے باوجود بطورِ عاجزی اچھالباس نہ پہننے پر کیا بشارت ہے ؟

جواب     حدیثِ پاک میں ہے  : جو باوُجُودِ قدرت اچّھے کپڑے پہننا تواضُع (  یعنی عاجِزی)  کے  سبب چھوڑ دے اللہ تعالیٰ اس کو کرامت کا حُلّہ پہنائے گا  ۔  (  [7])

سوال      عاجزی کرنے والوں اور تکبر کرنے والوں کے متعلق کوئی حدیث سنائیے ؟

جواب     حضور تاجدارِ ختم نبوتصَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا  : اے عائشہ !  عاجزی اپنا ؤکہ اللہ عَزَّ  وَجَلَّ عاجزی کرنے والوں کو پسند اور تکبرکرنے والوں کو ناپسند کرتاہے ۔  (  [8])

سوال      اپنا سامان خود اٹھانے کی کیا فضیلت ہے ؟

جواب     حضور نبیٔ مکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا : جس نے اپنا سامان خود اٹھایا وہ تکبر سے بَری  ہوگیاہے ۔  (  [9])

سوال      حدیث شریف میں تقویٰ کے لئے کس چیز کو لازمی قرار دیا ہے ؟

جواب     حضورنبی ٔرحمت ، شفیعِ امَّت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : تم اس وقت تک متقی وپرہیزگار نہیں بن سکتے جب تک عاجزی وانکساری اختیار نہ کرلو ۔  (  [10])

سوال      حدیثِ مبارکہ میں کس عالم کی صحبت میں بیٹھنے کا حکم دیا گیا ہے ؟

جواب     حضور تاجدارمکۂ مکرمہ ، سلطانِ مدینۂ منورہصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا : ہر عالم کے پاس نہ بیٹھو ، صرف اسی عالم کے پاس بیٹھو جو تمہیں پانچ چیزوں سے پانچ خصلتوں  کی طرف بُلائے :  (  1) شک سے یقین کی طرف  (  2) عداوت سے خیر خواہی کی طرف (  3) تکبر سے عاجزی کی طرف  (  4) ریاکاری سے اخلاص کی طرف اور (  5) دنیا کی رغبت سے بے رغبتی کی طرف  ۔  (  [11])

 



[1]     مرآۃ المناجیح ، ۲ / ۱۱۹ ۔

[2]     منھاج العابدین ، العقبة الثالثة وھی عقبة العوائق ، الفصل الرابع القلب ، ص۸۱ ۔

[3]     معجم کبیر ، ۵ /  ۷۱ ، حدیث : ۴۶۱۶ ۔

[4]     معجم کبیر ، ۱۲ /  ۱۶۹ ، حدیث : ۱۲۹۳۹ ۔

[5]     مسلم ، کتاب البر والصلة ، باب استحباب العفو والتواضع ، ص۱۰۷۱ ، حدیث : ۶۵۹۲ ۔

[6]     ابن حبان ، کتاب الحظر والاباحة ، باب التواضع والکبر والعجب ، ۷ /  ۴۷۵ ، حدیث : ۵۶۴۹ ۔

[7]     ­ابو داود ، کتاب الادب ، باب من کظم غیظاً ، ۴ /  ۳۲۶ ، حدیث : ۴۷۷۸ ۔

[8]