Book Name:Ijtimai Sunnat e itikaf ka Jadwal

26

نماز کے متعلق ریاکاری کی11مثالیں

 (ص 67 تا 71)

نیکی کی دعوت

27

اِخلاص کے بغیر ثواب نہیں ملتا

 (ص 90 تا94)

//

28

اُمّتِ مصطفیٰ کی خصوصیّت

 (ص 129 تا 133)

//

29

صِلۂ رحمی کے7مدنی پھول

 (ص 156 تا161)

//

30

گناہوں کے 6علاج

 (ص 307 تا311 )

//

شَجَرَہ شَریف

 منظوم شجرہ شریف پڑھنے سے پہلے اِشراق و چاشت کا وقت بھی معلوم کر لیجئے اور اسی حساب سے آگے جدول چلائیے۔

 ( اِس کے بعدیُوں اعلان فرمائیں )

میٹھے میٹھے اسلامی بھائیو! ابھی اِنْ شَآءَاللہ عَزَّ  وَجَلَّ منظوم شجرۂ عالیہ قادریہ رضویہ پڑھا جائے گا، تمام اِسلامی بھائی شجرہ شریف نِکال لیجئے۔

اَلْحَمْدُ لِلّٰہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْن

یاالٰہی رحم فرما مصطفیٰ کے واسِطے                یارسولَ اللہ کرم کیجے خدا کے واسِطے

مشکلیں حل کر شہِ مشکل کشا کے واسِطے                                            کر بلائیں رد شہیدِ کربلا کے واسِطے

سیِّدِ سجاد کے صدقے میں ساجد رکھ مجھے                              علمِ حق دے باقرِ علمِ ہُدٰی کے واسِطے

صدقِ صادِق کا تَصَدُّق صادِقُ الاسلام کر                              بے غضب راضی ہو کاظم اور رضا کے واسِطے

بہرِ معروف و سری معروف دے بیخود سری                                    جُندِ حق میں گِن جنیدِ باصَفا کے واسِطے

بہرِ شبلی شیرِِ حق دُنیا کے کتّوں سے بچا                                 ایک کا رکھ عبدِ واحِد بے رِیا کے واسِطے

بُوالفَرَح کا صدقہ کر غم کو فَرَح دے حُسن و سعد                             بُو الحسن اور بُوسعیدِ سعدِ زا کے واسِطے

قادِری کر قادِری رکھ قادِریوں میں اُٹھا                               قدرِ عبدُالقادِرِ قدرت نُما کے واسِطے

اَحْسَنَ اللہُ لَہُمْ رِزْقاً سے دے رزقِ حَسن                                   بندۂ رزّاق تاجُ الاصفیاء کے واسِطے

نصْرابی صالح کا صدقہ صالح و منصور رکھ                              دے حیاتِ دین مُحی جانفزا کے واسِطے

طُورِ عِرفان و عُلُوّ و حمد و حسنٰی و بَہا                             دے علی موسیٰ حسن احمد بہا کے واسِطے

بہرِ ابراہیم مجھ پر نارِ غم گلزار کر                              بھیک دے داتا بھکاری بادشاہ کے واسِطے

خانۂ دل کو ضیاء دے رُوئے ایماں کو جمال                             شہ ضیاء مولیٰ جمالُ الاولیا کے واسِطے

دے محمد کے لیے روزی کر احمد کے لیے                               خوانِ فضلُ اللہ سے حصہ گدا کے واسِطے

دِین و دُنیا کے مجھے بَرَکات دے بَرَکات سے                                عشقِ حق دے عِشقی عشقِ اِنتِماکے واسِطے

حُبِّ اہلِ بیت دے آلِ محمد کے لیے                         کر شہیدِ عشق، حمزہ پیشوا کے واسِطے

دِل کو اچھا تن کو ستھراجان کو پُر نُور کر                                 اچھے پیارے شمسِ دیں بدرُ العُلیٰ کے واسِطے

دو جہاں میں خادِم آلِ رسولُ اللہ کر                         حضرتِ آلِ رسولِ مقتدا کے واسِطے

کر عطا احمد رضائے احمدِ مُرسل مجھے                          میرے مولیٰ حضرتِ احمد رضا کے واسِطے

پُرضیاء کر میرا چہرہ حشر میں اے کبریا                         شہ ضیاءُ الدین پیرِ باصفا کے واسِطے

 



Total Pages: 43

Go To