Book Name:Dilchasp Malomaat Sawalan Jawaaban Part 01

سوال      سجدے میں پیشانی پاک جگہ جبکہ ناک نجس جگہ پر ہو تو کیا نماز ہوجائے گی ؟

جواب     جی ہاں نماز ہوجائے گی کہ ناک درہم سے کم جگہ پر لگتی ہے لیکن بلاضرورت یہ بھی مکروہ ہے۔([1])

سوال       اگر نماز کی حالت میں صرف منہ قبلے سے پھیر دیا تو کیا حکم ہے ؟  

جواب      اگر منہ قبلے سے پھیرا تو واجب ہے کہ فوراً قبلے کی جانب کر لے اس صورت میں نماز فاسِد نہ ہوگی لیکن بلاضرورت یہ بھی مکروہ ہے۔([2])

سوال      اگر کسی نے نماز کی یوں نیت کی کہ  ’’ میں چار رَکعت مغرب کی یا تین رکعت ظہر کی ادا کرتا ہوں ‘‘  نماز ہوجائے گی ؟

جواب     جی ہاں نماز ہوجائے گی کیونکہ نیت میں تعدادِ رکعات کی ضرورت نہیں البتہ افضل ضرور ہے۔([3])

سوال      امام نے اگر کسی مخصوص شخص کے متُعلِّق یہ قصد کرلیا کہ  ’’ میں فلاں کا امام نہیں ہوں ‘‘ تو ایسی صورت میں اس شخص کی نماز ہوگی یا نہیں؟  

جواب     اس شخص کی نماز ہوجائے گی کیونکہ امام کو نیتِ امامت کرنا ضروری نہیں۔([4])

سوال   ایسے کپڑوں میں نماز پڑھی جس میں بدن نظر آتا ہو تو نماز کا کیا حکم ہے؟

جواب   اتنا باریک کپڑا جس میں بدن چمکتا ہو سَتر کے لیے کافی نہیں اس میں نماز پڑھی تو نماز نہ ہوگی۔([5])

نماز کے فرائض

سوال             نماز کے فرائض کتنے اور کون کونسے ہیں؟

جواب             نماز کے سات فرائض ہیں: (1)تکبیرِ تحریمہ(2)قیام(3)قرأت (4) رُکوع  (5)سُجود(6)قعدۂ اَخیرہ (7) خُروج بِصُنْعِہٖ۔([6])

سوال             نماز میں قِرأت کس طرح کرنی چاہیے؟

جواب             قِرأت اِس طرح کرنی چاہیے کہ تمام حُروف مَخارِج سے ادا کئے جائیں کہ ہر حَرف دوسرے  سے صحیح طور پرمُمتاز (نمایاں)ہوجائے۔([7])

سوال             مُقتدی نے تکبیرِ تحریمہ امام سے پہلے ختم کرلی تو نماز کا کیا حکم ہوگا؟

جواب             مقتدی نے تکبیرِ تحریمہ کا لفظِ”اللہ“امام کے ساتھ کہا مگر ”اَکْبَر“ امام سے پہلے ختم کر لیا تو نماز نہ ہوگی۔([8])

سوال             جو رُکوع میں ’’ سُبْحٰنَ رَبِّیَ الْعَظِیْم ‘‘  کا ’’ عظیم ‘‘ صحیح ادا نہ کرسکے وہ کیا پڑھے؟

جواب                اُسے چاہیے کہ وہ ’’ سُبْحٰنَ رَبِّیَ الْکَرِیْم ‘‘ پڑھے۔([9])

سوال                 رُکُوع کا ادنیٰ درجہ کیا ہے؟

جواب                اتنا جُھکنا کہ ہاتھ بڑھائے تو گُھٹنے کو پہنچ جائے،  یہ رُکُوع کا ادنیٰ درجہ ہے۔([10])

سوال                 رکوع کا مکمل درجہ کیا ہے؟

جواب                اتنا جھکنا کہ پیٹھ سیدھی بچھادےیہ رکوع کا پورا درجہ ہے۔([11])

سوال                 ہر رکعت میں کتنی بار سجدہ فرض ہے؟

جواب     ہر رکعت میں دوبارسجدہ فرض ہے۔([12])

سوال                 سجدے میں پیشانی جَمنے کا کیا مطلب ہے؟

جواب                جمنے کے معنیٰ یہ ہیں کہ زمین کی سختی محسوس ہو اگر کسی نے اس طرح سجدہ کیا کہ پیشانی نہ جمی تو سجدہ نہ ہوگا۔([13])

سوال      نماز میں تکبیر ِتحریمہ کی بجائےسُبْحَانَ اللہکہہ کر نماز شروع کی تو کیا حکم ہے ؟

جواب     اس صورت میں نماز شروع ہوجائے گی لیکن اَللہُ اَکْبَر کی جگہ سُبْحَانَ اللہ کہنا مکروہِ تحریمی ہے۔([14])

 



2   رد المحتار، کتاب الصلاة، باب شروط الصلاة، ۲/ ۹۲۔

3   منیة المصلی، الشرط الرابع وھو استقبال القبلۃ، ص ۲۲۳-۲۲۴۔

4   درمختار و رد المحتار، کتاب الصلاة، مطلب  فی حضور القلب و الخشوع، ۲/ ۱۲۱۔

5   فتاوی ھندیہ، کتاب الصلاة، الباب الثالث فی شروط الصلاة، الفصل الرابع فی النیة، ۱/ ۶۶۔

1   فتاوی ھندیہ، کتاب الصلاة، الباب الثالث فی شروط الصلاة، الفصل الاول فی الطھارة وستر العورة، ۱/ ۵۸۔

2   درمختار، کتاب الصلاۃ، باب صفۃ الصلاۃ، ۲/۱۵۸۔۱۷۰۔

3   فتاوی ھندیۃ، کتاب الصلاۃ، الباب الرابع فی صفۃ الصلاۃ، الفصل الاول، ۱/۶۹۔

4   فتاوی ھندیۃ، کتاب الصلاۃ، الباب الرابع، الفصل الاول، ۱/۶۸-۶۹۔

1   رد المحتار، کتاب الصلاۃ، باب صفۃ الصلاۃ، مطلب: قراءۃ البسملۃ    الخ، ۲/۲۴۲۔

2   درمختار، کتاب الصلاۃ، باب صفۃ الصلاۃ، ۲/۱۶۵۔

3   حاشیۃطحطاوی، کتاب الصلاۃ، باب شروط الصلاۃ وارکانھا، ص۲۲۹۔

4   در مختار  ورد المحتار، کتاب الصلاۃ، ۲/۱۶۷۔

5   فتاوی ھندیۃ، کتاب الصلاۃ، الباب الرابع، الفصل الاول، ۱/۷۰۔نماز کے احکام، ص ۲۱۴ملتقطاً۔

6   فتاوی ھندیہ، کتاب الصلاة، الباب الرابع فی صفة الصلاۃ، الفصل الاول فی فرائض الصلاة، ۱/

Total Pages: 99

Go To