Book Name:Islam Ki Bunyadi Batain Part 03

یعنی اللہ اس کو قائم اور ہمیشہ رکھے جب تک کہ آسمان و زمین ہیں ۔

٭…٭…٭

مدنی پھول

پانچوں نمازوں میں اقامت سے قبل درود و سلام اور اعلان

بِسْمِ اللہِ الرَّحْمٰنِ الرَّ حِیْم

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                            وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                  وَعَلٰی اٰلِكَ وَ اَصْحٰبِكَ یَا نُوْرَ اللہ

اِعتکاف کی نیَّت کر لیجئے، موبائل فون ہو تو بند کردیجئے۔ حصولِ ثواب کے لیے اقامت بیٹھ کر سنئے اور جواب دیجئے، حی علي الفلاح پر کھڑا ہونا سنت ہے۔

اقامت کے بعد اعلان

پھراقامت کے بعد امام صاحِب یا مُکَبِّر (اقامت کہنے والے کو مُکَبِّر کہتے ہیں ) یہ اعلان کرے:  

اپنی ایڑیاں ، گردنیں اور کندھے ایک سیدھ میں کر کے صَف سیدھی کر لیجئے۔ دو آدمیوں کے بیچ میں جگہ چھوڑنا گناہ ہے، کندھے سے کندھا رگڑ کھاتا ہوا رکھنا واجِب، صَف سیدھی رکھنا واجب اور جب تک اگلی صَف دونوں کونوں تک پوری نہ ہو جائے پیچھے نماز شروع کر دینا ترکِ واجب، ناجائز اور گناہ ہے۔ عَزَّ وَجَلَّ 5سال سے چھوٹے نابالغ بچوں کو صفوں میں کھڑا نہ رکھیں ، انہیں کونے میں بھی نہ بھیجیں ، چھوٹے بچوں کی صف سب سے آخر میں بنائیں ۔

٭…٭…٭

نماز کا بیان

اِمامت کی شرائط

سوال …:                    امامت کی شرائط کتنی ہیں ؟

جواب …:            جو شخص شرعی معذور نہ ہو اس کے امام کے لئے چھ شرائط ہیں :   (۱)…صحیح العقیدہ مسلمان ہونا  (۲)… بالغ ہونا(۳)… عاقل ہونا

                        (۴)… مرد ہونا    (۵)… قراء ت صحیح ہونا              (۶)(شرعی) معذور)[1](   نہ ہونا )[2](

سوال …:                    امامت کا سب سے زیادہ حق دار کون ہے؟

جواب …:                      اِمامت کا سب سے زیادہ حق دار وہ شخص ہے جو نماز و طہارت کے احکام کو سب سے زیادہ جانتا ہو، اگرچہ باقی علوم میں پوری دستگاہ (مہارت) نہ رکھتا ہو، بشرطیکہ اتنا قرآن یاد ہو کہ بطورِ مسنون (سنت کے مطابق) پڑھے اور صحیح پڑھتا ہو یعنی حروف مخارج سے ادا کرتا ہو اور مذہب کی کچھ خرابی نہ رکھتا ہو اور فواحش (بے حیائی کے کاموں ) سے بچتا ہو۔)[3](

سوال …:                      جس امام کا عقیدہ درست نہ ہو کیا اس کے پیچھے نماز ہو جائے گی؟

جواب …:                        وہ بد مذہب جس کی بد مذہبی حد کفر کو پہنچ گئی ہواس کے پیچھے نماز نہیں ہوتی اور جس کی بدمذہبی حد کفر کو نہ پہنچی ہو اس کے پیچھے نماز، مکروہِ تحریمی (واجب الاعادہ) ہے۔)[4](

اقتدا کی 13شرائط

(۱)… نیت۔

(۲)… اقتدا اور اس نیتِ اقتدا کا تحریمہ (نماز کی نیت باندھنے کے وقت پہلی بار ہاتھ اٹھا کر اَللهُ اَکْبَر کہنے) کے ساتھ ہونا یا تکبیرِ تحریمہ سے پہلے ہونا بشرطیکہ پہلے ہونے کی صورت میں کوئی اجنبی کام



[1]    جامع الرموز للقھستانی،   کتاب الصلاۃ،   فصل الاذان،   ۱ / ۱۲۴

[2]    رد المحتار،   كتاب الصلاة،   مطلب شروط الامامة الكبری،   ۲ / ۳۳۷  

[3]    بہارِ شریعت،   امامت کا بیان،   ۱ / ۵۶۷

 

[4]    در مختار ورد المحتار،   كتاب الصلاة،   مطلب شروط الامامة الكبری،   ۲ / ۳۳۷ – ۳۴۰



Total Pages: 146

Go To