Book Name:Imamay kay Fazail

حضرت علامہ مولانا مفتی محمد اشفاق رضوی مُدَّظِلُّہُ العَالِی

                                                                                                (مہتمم مدرسہ غوثیہ جامع العلوم خانیوال، حال مقیم برطانیہ)

        سنّتوں پر عمل کرنا اور کرانا آپ کی پہچان بن چکا ہے، حتی کہ سنت کے مطابق اندازِ گفتگو ، سرکار ِ دوعالم صَلَّی  اللّٰہ  تَعَالٰی عَلَیْہِ وَاٰلِہٖ وَسَلَّم کے فیضِ کرم سے انقلابی تاثیر کا حامل ہے جس کا مشاہدہ دن رات مسلمانوں میں بالخصوص نوجوان نسل میں شریعت ِ مطہرہ کی پابندی سے ظاہر ہورہا ہے گانوں کی بجائے زبانوں پر صلوۃ و سلام اور نعت کے ترانے ہیں ، چہرہ پر سنتِ مبارکہ اور سرپر عمامہ کا تاج ہے، خواتین میں شرم حیاء اور پردہ کا رجحان ہے، نعت اور نظم میں جو کچھ فرماتے ہیں ، آپ کے عملِ صادق کا عکس ہے۔  

حضرت علامہ مفتی محمد رضاء المصطفٰی ظریف القادری مُدَّظِلُّہُ العَالِی                                                                                                                                   

(ڈائریکٹر پاک سنی اکیڈمی گوجرانوالہ)

        اِحیائے سنّت اور تحفظ عقائد اہل اسلام کی تحریک لے کر بڑی تھوڑی مدت میں بدرِ منیر کی طرح آسمانِ رشد و ہدایت پر تاباں نظر آنے لگا اور انکی تحریک کی برکت سے ملت کے نوجوان جو راہِ راست سے بھٹک رہے تھے اور اپنے عظیم محسن کو بھولے جارہے تھے ، صراطِ مستقیم پر آنے لگے، داڑھی ، عمامہ جیسی سنتِ مبارکہ سے نفرت کرنے والے انہیں کی زینت و بہار میں دل شاد نظر آنے لگے۔ لِلّٰہِ الْحَمْدُ حَمْداً کَثِیْراً ۔ دعا ہے کہ مولیٰ  تَعَالٰی  اپنے محبوب کے وسیلۂ جلیلہ سے حضرت ِ موصوف کے علم و عمل اور مزید جذبۂ خدمت ِ دین میں برکت فرمائے اور اِحیائے سنت کی تحریک ’’ دعوتِ اسلامی‘‘ کو دن دگنی رات چوگنی ترقی نصیب فرمائے۔ آمین بحرمۃ طٰہٰ ویٰس     

 کتاب ’’عمامے کے فضائل ‘‘امیرِ اہلسنّت کا فیضان

        اَلْحَمْدُلِلّٰہ عَزَّوَجَلَّ شیخِ طریقت، امیرِاہلسنّت دَامَت بَرَکَاتُہُمُ العَالِیَہ کی عمامہ شریف سے بے پناہ محبت ہی کا فیض ہے کہ مجلس المدینۃ العلمیہ  عمامہ شریف سے متعلق مفید و حیرت انگیز معلومات سے آراستہ کتاب بنام ’’عمامے کے فضائل‘‘ پیش کرنے کی سعادت حاصل کر رہی ہے۔  

         اللّٰہ  عَزَّوَجَلَّ ہمیں اپنی اور اپنے محبوب صَلَّی  اللّٰہ  تَعَالٰی عَلَیْہِ وَاٰلِہٖ وَسَلَّم کی خوشنودی پانے کے لیے فرائض کی ادائیگی کے ساتھ ساتھ تمام سنّتوں بالخصوص عمامہ شریف کی سُنّت اپنانے کی توفیق عطا فرمائے نیز شیخِ طریقت، امیرِاہلسنّت دَامَتْ بَرَکَاتُہُمُ الْعَالِیَہ کے عطا کردہ مدنی مقصد’’ مجھے اپنی اور ساری دنیا کے لوگوں کی اصلاح کوشش کرنی ہے ‘‘کے جذبے کے تحت مدنی قافلوں میں سفر کرنے، مدنی انعامات پر عمل کرنے اور سُنّتیں عام کرنے کی سعادت عطا فرمائے۔  

 

 

 

 

 

 

 

 

 

 

 

 

 

 

 

 

 

 

 

 

 

 

 



Total Pages: 101

Go To