Book Name:Fatawa Razawiyya jild 29

 

 

 

 

رسالہ

شرح المطالب فی مبحث ابی طالب ۱۳۱۶ھ

(مطالب کی وضاحت ابُوطالب کی بحث میں)

 

مسئلہ ۲۱۵:ازبدایوں ۱۲۹۴ھ بعبارت سوال وثانیا بالاجمال از احمد آباد گجرات،محلہ جمال پور قریب مسجد کانچ مرسلہ جماعت اہل سنت ساکنان احمد آباد ۶ جمادی الاولٰی ۱۳۱۶ ہجری۔

کیا فرماتے ہیں علمائے دین اس مسئلہ میں کہ زید ابوطالب کو کافر اور ابولہب و ابلِیس کا مماثل کہتا ہے اور عمرو بدین دلائل اس سے انکار کرتا ہے کہ ا نہوں نے جناب سرور عالم صلی اﷲ تعالٰی علیہ وسلم کی کفالت و نصرت و حمایت و محبت بدرجہ غایت کی اور نعت شریف میں قصائد لکھے حضور نے انکے لیے استغفار فرمائی اور جامع الاصول میں ہے کہ:اہل بیت کے نزدیك وہ مسلمان مرے۔

شیخ محقق علیہ الرحمۃ نے شرح سفر السعادۃ میں فرمایا:

کم از ان نہ باشد کہ دریں مسئلہ توقف کنند و صرفہ نگہ دارند۔

کم از کم اس مسئلہ میں توقف کرتے ہیں اور احتیاط کو ملحوظ رکھتے ہیں۔(ت)

اور مواہب لدنیہ میں ایك وصیّت نامہ اُن کا بنام قریشی منقول جو حرفًا حرفًا اُن کے اسلام پر شاہد،اِن دونوں میں کون حق پر ہے، اور ابوطالب کو مثل ابولہب و ابلِیس سمجھنا کیسا اور اُن کے کفر میں کوئی حدیث


 

 



Total Pages: 750

Go To