Book Name:Jame Ul Ahadees Jild 1

وسلم فقال لہ النبی صلی اللہ تعالیٰ علیہ وسلم : استعن علی حفظک بیمینک۔(۳۷)

       حضرت ابوہریرہ رضی اللہ تعالیٰ عنہ سے مروی ہے کہ انصار میں سے ایک شخص حدیث رسول اللہ   صلی اللہ  تعالیٰ علیہ وسلم کی مجلس میں حاضر ہوتا لیکن احادیث کو یاد نہ رکھ پاتا ،پھر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۳۶۔    السنۃ قبل  التدوین،                              ۳۰۴

۳۷۔     السنۃ قبل التدوین،                               ۳۰۴

ابوہریرہ رضی اللہ تعالیٰ عنہ سے درخواست کرتا تو وہ اسے احادیث سناتے ،ایک دن اپنے حافظ کی کمی کی شکایت حضور صلی اللہ  تعالیٰ علیہ وسلم سے کی توآپ نے اس سے فرمایا : اپنے حافظے کی مدد اپنے دائیں ہاتھ سے کیا کرو ۔ یعنی حفظ کے ساتھ ساتھ احادیث کو لکھ لیا کرو ۔ 

        روی عن رافع بن خدیج رضی اللہ تعالیٰ عنہ انہ قال: قلنا : یارسول اللہ ! انا نسمع منک اشیاء افنکتبھا ؟قال : اکتبوا ولا حرج ۔(۳۸)

       حضرت رافع بن خدیج رضی اللہ تعالیٰ عنہ سے روایت ہے کہ ہم نے عرض کیا : یارسول  اللہ ! صلی اللہ تعالیٰ علیک وسلم ، ہم آپ سے کچھ چیزیں سنتے ہیں کیا ہم انہیں لکھ لیاکریں ،آپ نے فرمایا : لکھ لیا کرو ۔ اس میں کوئی مضائقہ نہیں ۔

       روی عن انس بن مالک انہ قال : قال رسول اللہ صلی اللہ تعالیٰ علیہ وسلم : قیدوا العلم بالکتاب ۔(۳۹)

       حضرت انس بن مالک رضی اللہ تعالیٰ عنہ سے مروی ہے کہ رسول اللہ  صلی اللہ  تعالیٰ علیہ وسلم نے ارشاد فرمایا : علم کو تحریر کے ذریعہ مقید کرلو ۔

       ان تمام روایات سے  ثابت کہ حضور نبی کریم  صلی اللہ  تعالیٰ علیہ وسلم نے متعدد مواقع پر کتابت حدیث کی اجازت عطا فرمائی ۔لہذ بہت صحابہ کرام اقوال کریمانہ کو ضبط تحریر میں لائے اور حضور کے زمانۂ اقدس اور صحابہ کرام کے عہد زریں میں کثیر تعداد میں صحیفے تیار ہوئے ۔

       حضور سید عالم   صلی اللہ  تعالیٰ علیہ وسلم کی مجلس مبارکہ میں بارہا ایسا ہوتا کہ  حضور جو فرماتے صحابہ کرام اس کو لکھتے ۔

       دارمی شریف کی روایت ہے :۔

 



Total Pages: 604

Go To