Book Name:Rehnuma e Mudarriseen

 

طریقۂ تَدْرِیس

ترتیب  : اس سبق میں دیئے گئے قوا عِد کی ترکیب کے مطابق ’’الف‘‘ ، ’’لام‘‘ اور’’ را‘‘ کی تَفْخِیْم اور ترقیق کی مختلف مثالیں دی گئی ہیں تاکہ مدنی منّے قواعِد کی پہچان اور ادائیگی پُختہ کرسکیں  ۔

قواعِد سمجھانااورسبق پڑھانا :

            اس سبق میں مُدَرِّس  مدنی منّے کو سمجھائے کہ   تَفْخِیْم  کے معنیٰ حَرْف کو ۔   پرُ ، یعنی موٹا پڑھنا اور تَرْقِیق کے معنی حَرْف کو باریک پڑھنا ہے ۔  تین حُرُوف’’  الف ، لام ، را  ‘‘کبھی پرُ یعنی موٹے اور کبھی باریک پڑھے جاتے ہیں  ۔

الف  اور  لام  کی تفخیم اور ترقیق :

            الف سے پہلے اگر پرُ حَرْف آجائے تو الف کو  پرُ اور باریک حَرْف آجائے تو الف کو  باریک پڑھیں گے ۔  اسمِ جلالت (اللہ ) کے لام سے پہلے حَرْف پر زبر یاپیش ہو تو اسمِ جلالت (اللہ ) کے لام کو پرُ پڑھیں اور اگر اسمِ جلالت (اللہ ) کے لام سے پہلے حَرْف کے نیچے زیر ہو تو اسمِ جلالت (اللہ ) کے لام کو باریک پڑھیں گے ۔ مدنی منّے کو الف، لام، کے پرُ اور باریک پڑھنے کے قوا عِد یاد کرواکر اچھی طرح پہچان کروائیے  ۔ ( مدنی التجا  : ہمیشہ یوں پڑھایئے :  ’’اسمِ جلالت اللہ   کالام‘‘ ۔ اس طرح بالکل نہ کہیے  : ’’ اللہ  کالام‘‘ )

’’را ‘‘ کی تَفْخِیْم اور تَرْقِیْق :

            مُدَرِّس کو چاہیے کہ مدنی منّے کو اس سبق میں ’ ’را ‘‘  کی تَفْخِیْم  و  تَرْقِیْق سے متعلق قواعِد یاد کروا کے خوب اچھی طرح پہچان پُختہ کروائے ۔ ’ ’را ‘‘  کے قواعِدکو مندرجہ ذیل ترتیب سے یاد کروائیے :

            (۱)…  ’ ’را ‘‘  پر زبر یا پیش ہو (۲) …  ’ ’را ‘‘  پر دو زبر یا دو پیش ہوں (۳) … ’ ’را ‘‘  پر کھڑا زبریا اُلٹا پیش ہو (۴)… ’ ’را ‘‘ ساکِن سے پہلے حَرْف پر زبر یا پیش ہو (۵)… ’ ’را ‘‘  ساکِن سے پہلے زیر اصلی دوسرے کلمے میں ہو (۶)… ’ ’را ‘‘ ساکِن سے پہلے عارضی زیر ہو یا(۷) … ’ ’را ‘‘ ساکِن کے بعد حُرُوف مُسْتَعْلِیہ میں سے کوئی حَرْف اُسی کلمے میں ہو تو  ’ ’را ‘‘  کو پُر پڑھیں گے ۔

 



Total Pages: 39

Go To