بَاسِطٌ ذِرَاعَیْهِ بِالْوَصِیْدِؕ-  (پ۱۵،کہف،۱۸)

اُن کی داہنی بائیں کروٹیں بدلتے ہیں اور اُن کا کتّا اپنی کلائیاں پھیلا ئے ہوئے ہے غار کی چو کھٹ پر ۔

    اِس آیت میں اَصحابِ کَہْف(رَضِیَ اللہُ تَعَالٰی عَنْہُم)جو اَوْلِیا ہیں۔اُن کی تین(3) کرامتیں بَیان ہوئیں: (1)جاگنے کی طر ح اب تک سونا،(2)ربّ کی طر ف سے کروٹیں بدلنا، زمین کا اُن کے جسموں کو نہ کھانا اور بغیر غذاباقی رہنا،(3)اُن کے کتّے کا اب تک لیٹے رہنا، یہ بھی اُن کی کرامت ہے نہ کہ کُتّے کی ۔

(علم القرآن،ص ۱۸۸بتغیر)

اللہُ غنی! شانِ وَلی! راج دِلوں پر                دُنیا سے چلے جائیں حکومت نہیں جاتی

 (وسائلِ بخشش مرمم،ص ۳۸۳)

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!اَوْلِیائے کِرامرَحْمَۃُ اللّٰہ ِتَعَالٰی عَلَیْہِم اَجْمَعِیْن کی بَرَکتوں کے بھی کِیا کہنے! یہ وہ  عظیم ہستیاں ہیں کہ جِن کا کردار ایک صاف شفّاف آئینے کی طرح ہوتا ہے، جو مَخلوقِ خُدا کی ہِدایت کے لئے ہر وَقْت کمر بَسْتَہ رہتے ہیں،جن کے دِل میں اِصلاحِ  اُمَّت کا جَذبہ کُوٹ کُوٹ کر بَھرا ہوا ہوتا ہے، جن کے بیانات،اِرْشادات اور تَحریروں کی بَرَکتوں سےگناہگار و بَدکار اَفراد قُرآن و سُنّت کی راہ پر گامْزن جبکہ غیر مُسلِم اسلام کی دَوْلت سے سَرفَراز ہونے کی سَعادت پاتے ہیں۔اَلْحَمْدُ لِلّٰہ عَزَّ  وَجَلَّ آج کے اِس پُر فِتَن زمانے میں پندرہویں صَدِی کی عظیم عِلْمی و رُوحانی شَخْصِیَّت،شَیْخِ طَرِیْقَت، اَمیرِاَہلسُنّت،بانیِ دعوتِ اسلامی حضرت علّامہ مَولانا ابُوبِلال محمد الیاس عطّارقادِرِی رَضَوِی ضِیائی دَامَتْ بَـرَکاتُہُمُ الْعَالِیَہوہ عظیم ہَسْتِی ہیں،جِن میں بَيان كردَه اَوْلِیائے کامِلِیْن رَحْمَۃُ اللّٰہ ِتَعَالٰی عَلَیْہِم اَجْمَعِیْن کی نِشانیاں بآسانی دیکھی جاسکتی ہیں۔ آئیے!ہم بھی اِس عظیم ولیِ کامِل کی بَرَکتوں کا مُخْتَصَر تَذْکِرہ سُنتے ہیں،چُنانچہ

فَیْضانِ اَمیرِ اَہلسُنّت کی بَرَکتیں