Book Name:سادات کرام کے فضائل
سے جہاں سُنّتوں بھرے بیانات اور میموری کارڈز دُنیا بھر میں پہنچ رہے ہيں، وہیں سَرکارِ اعلیٰ حضرت رَحْمَۃُ اللّٰہ ِتَعَالٰی عَلَیْہ ،امیرِ اَہلسُنَّت دَامَتْ بَرَکَاتُہُمُ الْعَالِیَہ اور اَلْمَدِیْنَۃُ الْعِلْمِیَّۃ کی کتابیں بھی زیورِ طَبْع سے آراستہ ہو کر لاکھوں کی تعداد میں عوام کے ہاتھوں میں پہنچ کر سُنَّتوں کے مدنی پُھول کھلا رہی ہیں۔ اَلْحَمْدُ لِلّٰہ عَزَّ وَجَلَّ مکتبۃ المدینہ کے 45ذیلی شعبے قائم ہو چکے ہیں۔
اللہ کرم ایسا کرے تُجھ پہ جہاں میں اے دعوتِ اسلامی تِری دُھوم مچی ہو!
(وسائلِ بخشش مرمم،ص۳۱۵)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!اَلْحَمْدُ لِلّٰہ عَزَّ وَجَلَّ رَبِیْعُ الْاَوَّل کا نُورانی مہینا اپنی بَرَکتیں لُٹارہا ہے اور اپنے اِخْتِتَام کی جانِب رَواں دَواں ہے۔اِس کے بعد رَبِیْعُ الْآخِر کامُبارَک مہینا جَلْوَہ گَر ہونے والا ہے،جسے قُطبِ رَبّانی ،مَحبوبِ سُبحانی،پِیرِ لاثانی شَیْخ عَبْدُالقادِرجِیلانیرَحْمَۃُ اللّٰہ ِتَعَالٰی عَلَیْہ سے خاص نِسْبَت حاصِل ہے۔اللہعَزَّ وَجَلَّ نے آپ رَحْمَۃُ اللّٰہ ِتَعَالٰی عَلَیْہ کو جہاں دیگر کئی خُوبیوں سے نوازا تھا وہیں یہ بے مثال خُوبی بھی آپ کےوُجودِ مَسعود کا حِصَّہ تھی کہ آپ سادات کِرام کے گھرانے سےتَعَلُّق رکھنے والےحَسَنِی و حُسَیْنِی سَیِّد تھے۔آئیے!آپ کا مُخْتَصَر تَذکِرۂ خَیر سُنتےہیں چُنانچہ
حضرت سَیِّدُنا غَوْثِ اعْظَمْ شَیْخ عَـبْدُ القَادِر جِیلانیرَحْمَۃُ اللّٰہ ِتَعَالٰی عَلَیْہ کی وِلادتِ باسَعَادَت یَکَمْ رَمَضَان ۴۷۰ھ جُمُعَةُ الْمُبَارَک کو جِیْلَان میں ہوئی۔آپ کی کُنْیَتْ ابُومحّمد ہے اور مُـحِیُّ الدِّیْن،مَحْبُوبِ سُبْحانی ،غَوْثِ اَعْظَم،غَوثِ ثَقَلَیْن وغیرہ آپ کے اَلْقَابات ہیں۔آپ کے والدِ بُزُرْگَوارکا نام حضرت سَیِّدُنا