بارگاہِ رِسالت میں ایک شَخْص نےحاضِرہوکرعَرْض کی:یارَسُولَاللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! جَہنَّم میں لے جانے والا عَمَل کونسا ہے ؟ فرمایا: جُھوٹ بولنا، جب بندہ جھوٹ بولتا ہے تو گُناہ کرتا ہے اور جب گُناہ کرتا ہے تو ناشُکْری کرتا ہے اور جب ناشُکْری کرتا ہے تو جَہنَّم میں داخِل ہوجاتا ہے۔(مسند امام احمد، مسند عبداللہ ابن عمرو بن العاص، ۲/۵۸۹، رقم:۶۶۵۲)

بڑی کوشِشیں کی گُنہ چھوڑنے کی                                              رہے آہ! ناکام ہم یااِلٰہی

مجھے نارِ دوزخ سے ڈر لگ رہا ہے                                               ہو مجھ ناتُواں پر کرم یااِلٰہی

(وسائل بخشش مرمم،ص۱۱۰)

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

12 مَدَنی کاموں میں سے ایک مَدَنی کام”بعدِ فجر مَدَنی  حَلْقَہ“

میٹھے میٹھے اسلامی بھائیو!سُنا آپ نے کہ دھوکہ بازی،بَدْاَخلاقی اور جُھوٹ کس قَدَر تباہ کُن بُرائیاں ہیں، لہٰذا عقلمندی اِسی میں ہے کہ ہم اپنے نَرْم و نازُک بَدَن پر تَرْس کھائیں اور اپنا مُحَاسَبَہ کریں کہ اِن گُناہوں میں مُبْتَلا  ہونے کے سبب اگر ہمیں جَہنَّم میں جانے کا حکم دیا  گیا تو ہمارا کیا بنے گا۔اِس پُرفِتَن دور میں عاشِقانِ رَسُول کی مَدَنی تَحریک دعوتِ اسلامی مسلمانوں کو گناہوں سے بچانے اور اِنہیں نیک بنانے کے لئے ہر وَقْت کوشاں ہے۔آئیے!گناہوں سے نجات پانے اور نیکیوں کی راہ پر گامزن ہونے کے لئے ہم بھی دعوتِ اسلامی کے مَدَنی ماحول سے وابستہ ہوکر 12 مَدَنی کاموں کی دُھومیں مچانے والے بن جائیں۔ 12 مَدَنی کاموں سے روزانہ کا ایک مَدَنی کام "بعدِ فَجْرمَدَنی حَلْقہ“بھی ہے۔٭اَلْحَمْدُ لِلّٰہ عَزَّ  وَجَلَّ  اِس مَدَنی حلقے کی بَرَکت سے مسجِد میں بیٹھنے کا ثَواب حاصِل ہوتا ہے،٭مَدَنی حلقے کی بَرَکت سے تِلاوتِ قُرآن کرنےاورسُنّنے کا شَرَف حاصِل ہوتا ہے٭مَدَنی حلقہ قُرآنِ کریم کوترجمہ و تفسیر کے ساتھ سمجھنے