Book Name:Kiun Barhvi Pe He Sabhi Ko Pyar Aa Gya
٭مَرحبا یا مُصْطَفٰے٭مَرحبا یا مُصْطَفٰے٭مَرحبا یا مُصْطَفٰے٭ مَرحبا یا مُصْطَفٰے
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!حُضورِ پُرنُور ،شاہِ غَیُور،شافِعِ یَومُ النُّشُور صَلَّی اللّٰہُ تَعَالٰی عَلَیْہِ واٰلہٖ وَسَلَّمَ کی سِیرتِ طَیِّبَہ خُصوصاً وِلادَتِ باسَعادت کے واقِعات سُننے پڑھنے سے دِلوں کوسُکون و اِطمینان نصیب ہوتا ہے،اَلْحَمْدُ لِلّٰہ عَزَّ وَجَلَّ عاشِقانِ رَسُول کی مَدَنی تَحریک دَعْوَتِ اسلامی پُوری دُنیا میں جَشنِ وِلادَت کی دُھومیں مچانے اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی سِیرت و کِردار کے مُخْتَلِف روشن پہلوؤں اور شاندار فَرامِین سے اُمَّت کو فَیْضیاب کرنے کے لئے ہر وَقْت کوشاں ہے۔لہٰذا اِسی مَقصَد کے تَحت دَعْوَتِ اسلامی کے شُعبے مکتبۃُ المدینہ نے ایک کتاب”سِیرتِ مُصْطَفٰے“شائع کی ہے۔اَلْحَمْدُ لِلّٰہ عَزَّ وَجَلَّ اِس کتاب میں سَرکارِ مدینہ،راحتِ قَلْب و سِینہ صَلَّی اللّٰہُ تَعَالٰی عَلَیْہِ واٰلہٖ وَسَلَّمَ کی عادات و اَطْوَار،بچپن کے واقعات،اسلامی غَزَوات کے بارے میں دِلچسپ معلومات اور اِیمان اَفروز واقعات،مَکَّۂ مُکَرَّمَہ سے مَدِیْنَۂ مُنَوَّرَہ کی طرف ہِجْرَت،مکّی اور مَدَنی زِندگی کے مبارک واقعات اورسرکارِ دو عالَم صَلَّی اللّٰہُ تَعَالٰی عَلَیْہِ واٰلہٖ وَسَلَّمَ کے مُخْتَلِف مُعْجِزات وغیرہ کو بَیان کِیا گیاہے ،لہٰذاآج ہی اِس کتاب کو مکتبۃُ المدینہ کے بستے سے ھَدِیَّۃً طلب فرمائیے،خود بھی اِس کا مُطَالَعَہ کیجئے اور دُوسروں کوبھی ترغیب دِلائیے۔دَعوتِ اِسلامی کی ويب سائٹ www.dawateislami.net سے اِس کتاب کو پڑھا بھی جا سکتا ہے، ڈاؤن لوڈ(Download)اور پرنٹ آؤٹ(Print Out)بھی کِیا جا سکتا ہے۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!بِلَاشُبہ بے چین دِلوں کے چین،رَحمتِ دارَین،تاجدارِ حَرَمَین، سَروَرِ کَونَین، نانائے حَسَنَیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ جہاں میں فَضْل و رَحمت بَن کر تشریف لائے اور