We have moved all non-book items like Speeches, Madani Pearls, Pamphlets, Catalogs etc. in "Pamphlet Library"

Book Name:Hajj o Umrah ka Mukhtasar Tariqa

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّ حِیْم ط

عمرے کامختصرطریقہ

عمرے کی فضیلت

مدینے کے تا جدار، بَعَطائے پَروَردگار عَزَّ وَجَلَّ دو عالم کے مالک ومختار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا اِرشادِ خوشگوار ہے: عمرہ سے عمرہ تک ان گناہو ں کا کَفّارہ ہے جو درمیان میں ہوئے اور حجِ مبرور کا ثوابجنّت ہی ہے۔(صحیح البخاری ج۱ص۵۸۶ حدیث۱۷۷۳)

طواف کا طریقہ

طواف شروع کرنے سے قَبل مرد اِضطِباع کرلیں یعنی چادر سیدھے ہاتھ کی بغل کے نیچے سے نکال کر اُس کے دونوں پَلے اُلٹے کندھے پراِس طرح ڈال لیں کہ سیدھا کندھا کھلا رہے۔ اب پروانہ وار شمعِ کَعبہ کے گرد طواف کے لئے تیّار ہوجائیے۔ حجرِاَسوَد کی عَین سیدھ میں اب اِضطِباعی حالت میں کَعبہ کی طر ف مُنہ کرکے اِس طرح کھڑے ہوجائیے کہ پورا ’’حجرِ اَسوَد‘‘ آپ کے سیدھے ہاتھ کی طرف ہوجائے ، اب بِغیر ہاتھ اُٹھائے اِس طرح طواف کی نیَّت کیجئے: